Марсга учишга мўлжалланган Starship ракетаси прототипи қўнганидан кейин портлаб кетди (видео)

Илон Маскнинг SpaceX компанияси томонидан ишлаб чиқилган Starship космик кемаси прототипини учириб синаш парвозга 0,1 сония қолганида тўхтатилди, деб ёзади Meduza.

CNN хабарига кўра, Starship SN10 (ўнинчи серияли синов қурилмаси) синов парвозига тайёр эди, аммо парвоз олдидан сўнгги лаҳзада кема двигателлари тўхтатилди ва SpaceX парвоз амалга ошмаслигини маълум қилди.

ABORT. SpaceX’s Starship test flight was aborted at engine start.

SpaceX is evaluating whether it can try again today to launch the Starship test flight from South Texas.

Watch live: https://t.co/1pJHg7dtIz pic.twitter.com/vnZyVHtsDQ

— Spaceflight Now (@SpaceflightNow) March 3, 2021

The New York Times ёзишича, парвоз двигателлардан бирида аниқланган муаммолар туфайли тўхтатилган. Прототипнинг борт компьютери двигателлардан бирида тортиш кучи жуда катталашиб кетгани ҳақидаги маълумотни қабул қилган, деб ёзади Ars Technicа SpaceX асосчиси Илон Маскнинг изоҳига таяниб.

Starship SN10 текширувдан ўтказилди ва ёнилғи билан тўлдирилгач, қайтадан парвозга тайёрланди. Ракета старт олиб, белгиланган баландликкача чиқди (тахминан 10 км). Сўнг у қўнди, аммо қўнишдан кейин бир неча дақиқа ўтиб, портлаб кетди. Reuters ёзишича, бу Starship қўнишга муваффақ бўлган биринчи ҳолатдир, бунгача барча намуналар двигатель ишга туширилганидан кейин ёки уларни қўндиришга уриниш пайтида портлаган.

🚀🇺🇸 Вторая попытка тестового полета прототипа Starship SN10 прошла успешно — ракета выполнила посадочный маневр и совершила посадку на площадке полигона SpaceX в Бока Чика. Примерно через десять минут после посадки прототип взорвался. pic.twitter.com/dcH43F52Nv

— Рустем Адагамов (@adagamov) March 4, 2021

Илон Маск Starship элтувчи ракетасининг прототипи сўнгги синов парвозлари чоғида эсон-омон қўнганини маълум қилди. «Starship SN10 эсон-омон қўниб олди!» — деб ёзди у Twitter’да.

Starship’нинг саккизинчи ва тўққизинчи прототиплари 2020 йил декабрида ва 2021 йил февралида синов парвозлари чоғида қўниш пайтида портлаб кетган эди.

Бир кун аввал эса SpaceX компанияси 60 та Starlink микроспутники билан Falcon 9 ташувчи ракетаси парвозини режалаштирилган вақтга 1 дақиқа-ю 24 сония қолганда бекор қилган эди.

Starship космик кемаси ва ўта оғир ракетаси Ерга яқин орбита, Ой ва Марсга экипаж ва юкларни олиб чиқишга мўлжалланган. Starship Ерга яқин орбитага 100 тоннадан ортиқ юкни етказишга қодир бўлган тарихдаги энг кучли ташувчи ракета бўлиши кутилмоқда.