«Бунёдкор» футбол клубига янги бош мураббий тайинланди. Бу ҳақда клуб матбуот хизмати маълум қилди.
3 март куни «Бунёдкор» футбол клубида янги президент Меҳриддин Абдуллаев ва жамоа аъзолари иштирокида йиғилиш бўлиб ўтди. Унда бир қатор масалалар кўриб чиқилди ва жамоага янги бош мураббий тайинланди.
Унга кўра, шу вақтга қадар жамоада ёрдамчи мураббий сифатида ишлаб келган Шуҳрат Мақсудов «Бунёдкор» бош мураббийи этиб тайинланди. Бундан кейин мутахассис жамоани бошқариб боради.
Эслатиб ўтамиз, аввалги мавсумларда «Бунёдкор»да бош мураббий сифатида ишлаган Вадим Абрамов Ўзбекистон терма жамоасидаги фаолияти сабаб клубни тарк этган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)