Ўзбекистонда янги тартиб асосида қуриладиган уйлар бўйича техник назоратни амалга ошириш ҳудудлардаги «Ягона буюртмачи» хизматига юклатилади. Бу ҳақда Президент Шавкат Мирзиёев раислигида ўтказилган йиғилишда сўз юритилди, дея хабар бермоқда «Дарё» мухбири.
«Уй-жой қурилиш сифатини ошириш масъулиятини Очилбой Раматов ва вилоят ҳокимлари ўз зиммасига олиши шарт. Бунда уйнинг бўлажак эгаси ер ажратишдан бошлаб, топширилишигача бўлган барча жараёнларда иштирок этишини таъминлайдиган тизим яратиш зарур. Уйни эгаси ҳар куни келиб, қурилиш ишларини кўрсин, қурувчига хатоларини кўрсатсин, сифатни ўзи ҳам назорат қилсин.
Ҳар бир лойиҳа ипотека веб-порталига жойлаштирилиши ва барча учун очиқ эълон қилиниши, аҳоли фикрини билдириши учун имконият бўлиши керак.
Қурилиш вазири ва унинг биринчи ўринбосари икки ой муддатда бўлажак уй эгаларига лойиҳа планировкаси, ишлатиладиган қурилиш материаллари, нарх-наво шаклланиши каби масалаларни тушунтириб берадиган тизим яратиши зарур. Шунингдек, Ботир Зокиров, вилоят, туман ва ҳокимлари уйлар қурилишига салоҳиятли мутахассислар, етарли моддий-техник базага эга, молиявий барқарор пудрат ташкилотларини рейтинг тизими асосида жалб қилиши зарур», — деди Президент.
Мавзуга доир:
- «2021 йилда 54 минг оилани уй-жой билан таъминлашимиз зарур» – Шавкат Мирзиёев
- «Ҳокимлар бир квадрат метр уй нархини 4 млн сўмдан оширмаслик учун зарур чораларни кўриши керак» — Шавкат Мирзиёев
- Шавкат Мирзиёев: «Паст даромадли аҳоли уй олиш учун дастлабки бадалнинг 5 фоизини тўлайди, холос»
- .Шавкат Мирзиёев қурувчи ташкилотларга пандемия даврида берилган имтиёзлар 2021 йил охиригача узайтирилишини таъкидлади
Изоҳ (0)