6 апрелдан 13 апрелга қадар давом этадиган Sotheby’s онлайн-аукциони орқали ноодатий Porsche Taycan сотувга қўйилади. Электрокар кузови дунёга машҳур америкалик фотореалист-рассом Ричард Филлипснинг Queen оf the Night деб аталувчи иши билан безатилган ва швейцариялик пейзажчи Адольф Дитрих ижодидан илҳомланилган, деб хабар беради Motor.
Ноёб Porsche Taycan Аrt Cаr 2020 йилнинг декабрида Цюрихнинг марказий кўчаси — Банхофштрасседа жойлашган Leuehof поп-ап ресторанининг ўзида яратилган эди. Седан кузовига винил плёнка тортилган бўлиб, унга Ричард Филлипснинг Queen оf the Night деб номланган асарининг кенгайтирилган нусхаси туширилган. Унда америкалик рассом ўзига хос академик услубдаги тропик боғни тасвирлаган. Умуман олганда, картинани яратишда швейсариялик пейзажчи-промитивист Адольф Дитрихдан илҳомланилган.
Taycan’нинг марказий қисмидан игнабаргли эпифиллум кактуси ўрин олган (уни яна «тун маликаси», Queen оf the Night деб ҳам аташади) бўлиб, у фақат бир кеча давомида гуллайди. Қуйруқ қисмига ҳаворанг осмон, Боден кўли сувлари ва сувни сақловчи махсус тўқималарга эга сув ўтлари тасвирланган. Бутун композиция «беташвишлик ва тозалик тимсоли»ни яратишга қаратилган, «автомобилнинг табиий шакли, унинг табиатга яқинлиги ва тезлиги»га урғу берилган.
Porsche Exclusive бўлинмаси ёрқин рангларга ёритиладиган Queen оf the Night ёзуви ва Филлипснинг дастхати тушилган проексияни қўшган. Мазкур модель рассомнинг Porsche билан амалга оширган биринчи иши эмас: 2019 йилда у «24 соатли Ле-Ман» марафонида GТЕ-Аm классида ғалабага эришган 911 RSR пойга машинаси учун «ливрея» ўйлаб топган эди.
Мавзуга доир: Фото: Арт-объектга айлантирилган Mercedes-Benz G-Class
Изоҳ (0)