Бир неча кун аввал Қашқадарё вилояти ҳокими Зоир Мирзаев янги келин-куёвга электрчойнак совға қилгани тасвирланган сурат ижтимоий тармоқларда кенг муҳокамага сабаб бўлганди. Чироқчи туманидаги чегара қишлоқларининг бирида аҳоли билан бўлиб ўтган учрашувда вилоят ҳокими ушбу ҳолатга изоҳ бериб ўтди.
Twitter’да эълон қилинган видеодан кўриш мумкинки, Қашқадарё ҳокими Чироқчи туманидаги мактаблардан бирининг ўқувчисига совға топширган.
«Келин-куёвга ‘подарка’ берсам, бировлар ҳар хил гапириб ётибди. Машинанинг орқасида (совға) бор. Шунинг учун бу қизимизга менда фен бор, мана. Мана буниси эса кўрпа...
Машинамнинг орқасида доим 10-12 та совға юради. Одамлар учун керакли ‘тефаль’, термос юради, кўрпа бўлади, кейин чойнак-пиёла жамланмаси бўлади. Ҳар доим бўлади бу. Машинамда 12-13 йилдан бери шу каби нарсалар туради», — дея таъкидлайди Зоир Мирзаев.
Тефаль темаси, ва машина олиб юриладиган совға саломлар ҳақида https://t.co/65JjcxtFz8 pic.twitter.com/4fazrzSeVT
— Ҳусан Комилжонов (@khusanjon0777) March 1, 2021
Ҳокимнинг «Қайси бирини берай?» деган саволига ўқувчи қиз «Фарқи йўқ, менга ҳеч нарса керак эмас» дея жавоб қайтарган. Шундай бўлса ҳам ҳоким иккала совғани ҳам қизга топшириб, «Бунда сочингизни қуритасиз» дея фенни узатган.
Изоҳ (0)