Forbes муваффақиятга ўз кучи билан эришган россиялик аёллар рейтингини тузди, улар орасида теннисчи Мария Шарапова, Wildberries интернет-дўкони асосчиси бор

Forbes журнали илк маротаба ўз бойлигини ўзи яратган, муваффақиятга ўз кучи билан эришган (self-made) россиялик аёлларнинг рейтингини тузди. Ушбу рўйхат ўз активларини ўзи ишлаб топган, бойлигини мерос ёки ажрашиш натижасида қўлга киритмаган аёлларни ўз ичига олади, деб ёзмоқда «Коммерсантъ».

Forbes рейтингидан биринчи ўринни Wildberries интернет-дўкони асосчиси Татяна Бакалчук эгаллади. Иштирокчиларнинг молиявий аҳволи уларнинг активлари, хусусан, компания акциялари ва кўчмас мулклари қийматига асосланиб баҳоланди.

Forbes талқинига кўра ўз бойлигини ўзи яратган россиялик аёлларга қуйидагилар киради:

1. Татьяна Бакалчук (10,1 миллиард доллар) — Wildberries интернет-дўкони;
2. Ольга Белявцева (550 миллион доллар) — Прогресс компанияси («ФрутоНяня» болалар овқатини ишлаб чиқарувчи компания)даги улуши, «Лебедянский» шарбат ишлаб чиқарувчи компаниянинг акциялари сотувидан тушган маблағ;
3. Татьяна Кузнецова (475 миллион доллар) — «НОВАТЭК»даги 0,19 фоиз улуши ва унинг акцияларини сотишдан тушадиган маблағ;
4. Наталя Опалева (450 миллион доллар) — GV Gold олтин қазиб олиш компаниясидаги 20,4 фоиз улуши;
5. Гузелия Сафина (300 миллион доллар) — «ТАИФ» компаниялар гуруҳининг 4,5 фоизи;
6. Марина Седих (300 миллион доллар) — Иркутск нефть компанияси (билвосита 10,1 фоиз улуш);
7. Любовь Хоба (300 миллион доллар) — «LUKOIL» нефть компаниясининг 0,44 фоизи;
8. Наталя Касперская (250 миллион доллар) — InfoWatch’дан, Касперский лабораториясининг акциялари сотувидан тушум;
9. Любовь Герасимова (225 миллион доллар) — «Сусуманзолото» олтин қазиб олиш компаниясининг 22,2 фоизи;
10. Мария Шарапова (200 миллион доллар) - мукофот пуллари ва рекламадан даромад, Сугарпова конфет линияси;
11. Лариса Прокопьева (175 миллион доллар) – «Эвалар» фармацевтика компанияси;
12. Елена Демина (125 миллион доллар) – Splat Global компаниясининг 47,1 фоизи;
13. Ирина Панченко (125 миллион доллар) — «Продо» гўшт холдингининг 25 фоизи ва бошқа озиқ-овқат активлари
14. Татьяна Франус (125 миллион доллар) — «Пятёрочка» ва «Карусел» акциялари сотувидан тушум, Мавис инвестиция ва қурилиш гуруҳининг 65 фоизи;
15. Раиса Демина (100 миллион доллар) — «Павловская слобода» гўштни қайта ишлаш заводининг 100 фоизи;
16. Лариса Каланда (75 миллион доллар) — «Роснефть» ва «Транснефть» фаолиятидан олинган даромад, «Роснефть» акцияларига инвестициялар;
17. Лариса Карабан (75 миллион доллар) — «Рив Гош» парфюмерия ва косметика тармоғининг 12,5 фоизи ва компания акцияларини сотишдан тушадиган маблағ;
18. Ольга Полторацкая (75 миллион доллар) — «Промресурс» компаниялар гуруҳининг 45 фоизидан ортиғи;
19. Лариса Черепанова (75 миллион доллар) — «Максидома» хонадонларни таъмирлаш товарлари тармоғининг 17 фоизи;
20. Людмила Шчербакова (75 миллион доллар) — Bright Way фармацевтика холдинги.

Эслатиб ўтамиз, Bumble танишув хизмати асосчиси муваффақиятга ўз кучи билан эришган энг ёш миллиардер аёлга айланган эди. Дастур асосчиси 31 ёшли Уитни Вулф Ҳерднинг бойлиги 1,6 миллиард долларни ташкил этади. У компания муваффақиятли IPO (биржадаги дастлабки оммавий таклиф) ўтказгандан сўнг миллиардерга айланди. Биринчи аукционда Bumble акциялари 85 фоизга ўсишга эришган.