Саҳнада роль ижро этиш билан бирга, бизнесни ҳам бирдек олиб борган Болливуд актрисалари унчалик кўп эмас. Уларнинг айримларини таништириб ўтамиз.
Шилпа Шетти
Шилпа Шетти Мумбайдаги Европа Уйғониш даври ва ҳинд қироллик услубини ўзида бирлаштирган Royalty Club эгаси. Шунингдек, у турмуш ўртоғи билан бирга Ҳиндистон крикет жамоаси Rajasthan Royals’га эгалик қилади.
Актриса кинодаги карьерасидан воз кечган бўлса-да, аммо бир нечта муваффақиятли телешоуларда қатнашмоқда. Бундан ташқари, актриса бутун мамлакат бўйлаб жойлашган Losis номли спа-салонлар тармоғининг эгаси ҳисобланади.
Сушмита Сен
Сушмита Сен 2006 йилда ўзининг Sensazione компаниясини яратди ва у орқали меҳмонхоналар, кафелар ва курортлар тармоғини ташкил этди. Шунингдек, у Таntra Entertainment продюсерлик компанияси ва Дубайдаги Renee Jewelers заргарлик дўконига ҳам эгалик қилади.
Лара Датта
«Дунё гўзали» Лара Датта ўзининг продюсерлик компаниясига эгалик қилади. Шунингдек, у Chabra 555 дизайн уйи билан бирга янги сарилар коллекцияси дўконини очган.
Каришма Капур
Каришма Капурнинг ўз интернет дўкони бор. У ерда ёш оналар ва чақалоқларни парвариш қилиш учун мўлжалланган маҳсулотлар сотилади.
Аиша Такия
Аиша Такия — «Чой ва қаҳва» деб номланган кафелар тармоғининг эгаси ҳисобланади.
Нилам Котҳари
Ўтган йилларнинг севимли актрисаси Нилам Котҳари эса заргарлик бизнеси билан шуғулланади.
Мавзуга доир:
- Машҳур ҳинд актрисаларининг ҳаёти улар турмушга чиққанидан сўнг қанчалик ўзгаради? (фото)
- 50 дан ошса-да, киноларда навқирон йигитлар ролини ижро этадиган Болливуд актёрлари (фото)
- Орасида катта ёш фарқ бўлса-да, севишган жуфтликлар ролини ижро этган Болливуд юлдузлари (фото)
- Суратга олиш майдончасида танишиб, сўнг турмуш қурган Болливуд юлдузлари (фото)
Изоҳ (0)