Biznesda ham muvaffaqiyatga erishgan Bollivudning go‘zal aktrisalari (foto)

Sahnada rol ijro etish bilan birga, biznesni ham birdek olib borgan Bollivud aktrisalari unchalik ko‘p emas. Ularning ayrimlarini tanishtirib o‘tamiz.

Shilpa Shetti

Shilpa Shetti Mumbaydagi Yevropa Uyg‘onish davri va hind qirollik uslubini o‘zida birlashtirgan Royalty Club egasi. Shuningdek, u turmush o‘rtog‘i bilan birga Hindiston kriket jamoasi Rajasthan Royals’ga egalik qiladi.

Aktrisa kinodagi karyerasidan voz kechgan bo‘lsa-da, ammo bir nechta muvaffaqiyatli teleshoularda qatnashmoqda. Bundan tashqari, aktrisa butun mamlakat bo‘ylab joylashgan Losis nomli spa-salonlar tarmog‘ining egasi hisoblanadi.

Sushmita Sen

Sushmita Sen 2006-yilda o‘zining Sensazione kompaniyasini yaratdi va u orqali mehmonxonalar, kafelar va kurortlar tarmog‘ini tashkil etdi. Shuningdek, u Tantra Entertainment prodyuserlik kompaniyasi va Dubaydagi Renee Jewelers zargarlik do‘koniga ham egalik qiladi.

Lara Datta

“Dunyo go‘zali” Lara Datta o‘zining prodyuserlik kompaniyasiga egalik qiladi. Shuningdek, U Chabra 555 dizayn uyi bilan birga yangi sarilar kolleksiyasi do‘konini ochgan.

Karishma Kapur

Karishma Kapurning o‘z internet do‘koni bor. U yerda yosh onalar va chaqaloqlarni parvarish qilish uchun mo‘ljallangan mahsulotlar sotiladi.

Aisha Takiya

Aisha Takiya — “Choy va qahva” deb nomlangan kafelar tarmog‘ining egasi hisoblanadi.

Nilam Kothari

O‘tgan yillarning sevimli aktrisasi Nilam Kothari esa zargarlik biznesi bilan shug‘ullanadi.