Instagram: Тошкентни «портлатган» Бурак Ўзчивитнинг рақиблари, Лола қалбининг уйи, Кўндир Жароқийдан янги фикрлар

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Жаҳонгир Отажонов Туркиядан кўриниш берди.

Алишер Узоқов Кўндир Жароқийнинг янги ижод намунасини саҳифасига жойлади.

Озарбайжонлик хонанда Наҳиде Бабашли фолловерларига янги суратини тақдим этди.

Лола 1,5 йилдан сўнг ватанга қайтгани, унинг қалб уйи шу ерда эканлиги ҳақида ёзиб қолдирди.

СанЖай ҳам саҳифасига янги сурат жойлади.

Ёш актриса Райҳон Асадова фолловерларига хайрли кун тилади.

Шаҳзода саҳифасига кичик ўғли Ҳалиднинг суратини жойлади.

Турк актрисаси Фаҳрие Эвжен фолловерларига янги сурат билан кўриниш берди.

27 февраль куни Тошкентда Россиянинг Raava Music лейбли хонандлари — Жони, Элман, Андро ва Гафурнинг концерти бўлиб ўтди. Ижтимоий тармоқлар фойдаланувчилари ушбу концертдан сўнг уни кўрса, ўзбек қизлари ортидан югурадиган турк актёри Бурак Ўзчивитга рақиблар топилди, деган хулосага келди. Тарқалаётган видеоларда ёш қизлар Элман, Жони ва Гафурга севги изҳор қилаётгани ҳамда улар ўтирган автомобилнинг ҳаракатланишига тўсқинлик қилаётганини кўриш мумкин.

Raava Music лейбли хонандаси Гафур асли ўзбекистонлик Абдулғофур Исахонов эканлиги ҳақида маълумот берган эдик. Гафур «Лоллипоп» таронаси билан хит-парадларда юқори ўринларни забт этган. У саҳифасидаги янги пост орқали мухлисларини орзуларига доимо ишонишга чорлади.

«Орзуларга ишонишдан ҳеч қачон тўхтаманг, уларни амалга ошириш имконсизлигини айтишса ҳам», — дейди Гафур тахаллуси билан танилган Абдуғофур Исахонов. У 2019 йилда Россияга кетаётганида «Иншааллоҳ, концерт билан қайтаман», деб ният қилган эди ва икки йилдан сўнг минглаб мухлислари учун концерт дастури билан ватанга қайтди.