TikTok’да Том Круз пайдо бўлди. Бу дипфейк, бироқ жуда ишонарли (видео)

TikTok ижтимоий тармоғида Голливуд актёри Том Крузнинг аккаунти пайдо бўлди. Саҳифадаги видеоларда актёр гольф ўйнаганини, Михаил Горбачёв билан учрашувини сўзлаб бергани ва турли фокуслар кўрсатганини кўриш мумкин.

Одамлар Крузни уддалаб бўлмас трюкларни бажармаётган ҳолда кўришга ўрганмаган, бироқ видеодаги актёрнинг ҳақиқийлигига ҳеч қандай шубҳа уйғонмайди. Esquire’нинг ёзишича, аслида бу дипфейк (сунъий интеллектга асосланган усул ёрдамида тасвирни синтезлаш) ҳисобланади.

This insane Tom Cruise deepfake almost had TikTok users fooled 🧐

(Via TikTok: deeptomcruise) pic.twitter.com/GrTail1rmE

— Dexerto Entertainment News Feed (@DexertoTrending) February 25, 2021

Legit Deep Fake? Or is the real Tom Cruise faking us out? Scary that it's this difficult to differentiate. #DeepTomCruise pic.twitter.com/YBb3ZjlVQ1

— Taurin Tan-atichat (@taurintan) February 26, 2021

https://twitter.com/BrianKosh/status/1365051825775255553

TikTok’да ўзини Том Круз дея таништирган инсон унинг мимикаси, ҳаракатлари, овози ва ҳатто актёрга хос кулгисини ҳам жуда ўхшаш тарзда намоён этган. Қолгани эса нейротармоқнинг иши.

«Бу каби технологиялар билан киностудиялар учун Крузнинг ҳам кераги бўлмайдигандек, бироқ нейротармоқ ҳам унинг мураккаб трюкларини бажара олмайди», — дейилади хабарда.

DeepTomCruise аккаунтини аслида ким юритиши номаълум.