Канада соғлиқни сақлаш вазирлиги 26 февраль куни Англия–Швеция компанияси AstraZeneca’нинг COVID-19 коронавирусига қарши вакцинасидан фойдаланишга рухсат берди, дея хабар бэрди «Интерфакс»
«AstraZeneca’нинг вакцинаси пандемия сабабли ва мамлакатнинг COVID-19 билан боғлиқ олиб кириш, сотиш ва реклама тўғрисида вақтинчалик фармонининг 5-бандига мувофиқ фойдаланишга тасдиқланди», – дейилади Канада Соғлиқни сақлаш вазирлиги хабарида.
Ҳужжатда айтилишича, вакцина 18 ёшдан катта одамларни фаол эмлаш учун тавсия этилади. Унинг самарадорлиги 62,1 фоизга баҳоланмоқда.
Февраль ойи бошида Жаҳон соғлиқни сақлаш ташкилоти мутахассислари 18 ёшдан катта бўлган барча катталар учун Англия–Швеция компанияси AstraZeneca томонидан ишлаб чиқарилган коронавирусга қарши COVID-19 вакцинасидан фойдаланишни тавсия қилди.
Европа дорилар агентлиги январь ойининг охирида ушбу препаратни қўллашни маъқуллади. Шундан сўнг, Европа Иттифоқи расмийлари вакцинани ўз бозорига чиқаришга қарор қилди.
AZD1222 вакцинаси AstraZeneca фармацевтика компанияси мутахассислари томонидан Оксфорд университети олимлари билан биргаликда ишлаб чиқилган. Бу векторли вакцина ҳисобланади. Векторли вакциналарнинг ишлаш принципи шундаки, улар таркибида заифлашган зарарсиз вирус ва коронавирус генининг янги тури мавжуд.
Бундан аввал ЖАР AstraZeneca’нинг бир миллионта вакцинасини қайтариб бериши, Жанубий Корея коронавирусга қарши AstraZeneca вакцинасини маъқуллагани ҳамда Ўзбекистон COVAX дастури доирасида 2,6 миллион доза AstraZeneca вакцинасини олиши ҳақида хабар берилганди.
Изоҳ (0)