Сочларни ювганда қанча миқдорда шампунь ишлатиш керак? Уларни неча марта ювиш керак? Маҳсулотлар ҳам сочларга зарар етказиши мумкинми? Сочларга қандай қилиб ғамхўрлик қилиш кералиги тўғрисидаги саволларга шифокор-трихолог Саломея Абалян жавоб беради.
Фото: Getty Images
Турли хил мамлакатларда трихолог ва дермотологлар томонидан олиб борилган тадқиқотлар шуни кўрсатдики, бош териси ва сочларнинг тагида тўпланадиган бактериялар салбий таъсирга эга. Улар терининг нафас олишига йўл қўймайди. Соч илдизларининг ривожланишига тўсқинлик қилади. Буларнинг барчаси бош терисининг нормал ишлашини бузади ва соч ўсишини секинлаштиради.
Шампунлардан ташвишланманг
Ҳар куни фойдаланишга рухсат берилганини кўрсатувчи шампунлар фойдали, аллергия қўзғатмайдиган бўлади. Шунинг учун ҳам уларни ҳар куни ишлатиш мумкин.
Ювиш такрорийлигини кузатинг
Ювиш такрорийлигига қараб, соч тури ва сифатини ҳисобга олган ҳолда шампунь танлаш керак. Ёғли соч эгалари 3—4 кунлик танаффусдаёқ кўп миқдорда ёғ секрецияси тўпланиб қолганини кўриши мумкин. Бу эса кейинчалик яллиғланишга ҳам олиб келади.
Шампуньлардан тўғри фойдаланинг
Шампуньнинг миқдори асосан сочнинг узунлигига боғлиқ. Маҳсулотни тўғридан-тўғри сочга суртиш тавсия этилмайди. Биринчидан, миқдорни назорат қилиш қийин бўлади. Иккинчидан, ҳаддан ташқари кўп миқдордаги восита чекланган ҳудудгагина тушади. Шунинг учун аввал шампунни қўлда кўпиклаш керак, кейин сочларга «тақсимлаш» тавсия этилади.
Ювиш қоидаларини тўғри бажаринг
Сочларни ювишдан олдин уларни яхшилаб тараш керак. Аввал қулоқдан қулоққа, сўнгра бошнинг орқа қисми ювилиши керак. Бармоқ учлари билан массаж қилиш, аммо бош терисини тирнаб олмаслик зарур. Ювиш вақтида енгил уқалаш бошда қон айланишни яхшилайди.
Неча марта шампунь суртиш керак?
Ҳаммаси ювиш частотаси ва маҳсулотга боғлиқ. Агар сочлар ҳар куни ювиладиган бўлса, уларга икки марта шампунь суртиш шарт эмас. Сочларни ҳафтасига икки марта ювадиганлар эса шампунни икки марта суртган маъқул. Фақатгина иккинчи марта шампунь миқдорини икки баравар камайтириш тавсия этилади.
Сув ҳарорати
Кўпчилик ёғ безларини фаоллаштирадиган иссиқ сувдан фойдаланиб хато қилади. Уларни ювиш учун ўртача ҳарорат 40—50 даражани ташкил этади. Айнан шу ҳарорат сочдаги кирларни осон олиб ташлашга ва қон айланишини яхшилашга ёрдам беради.
Соч ювишни совуқ сув билан якунлаш мумкин
Ювиш жараёнини бироз совуқ сув билан тугатиш мумкин. Бу бош терисида қон айланишини тезлаштиради.
Соч ювилганидан кейинги ниқоб
Ниқоблардан фойдаланиш ҳам сочларнинг ҳолатига, озиқа таркибига боғлиқ. Агар сочларда жиддий шикастланиш ва парваришга муҳтожлик сезилса, ниқобдан ҳар куни фойдаланиш мумкин. Муолажа 8—10 мартадан сўнг натижасини кўрсатади ва кейинчалик ундан камроқ фойдаланган яхши. Агар ниқоблардан профилактика учун фойдаланиладиган бўлса, ҳафтада 1—2 марта қўллаш мумкин.
Бальзам ҳақида унутманг
Бальзам сочлар ювилганидан кейин суртилади. У нафақат толаларни мустаҳкамлайди, балки уларнинг порлашини ҳам яхшилайди. Ундан фойдаланишда сочларнинг бутун узунлиги бўйлаб қўллаш керак. 5—7 дақиқадан сўнг яхшилаб ювилади. Соч илдизларига ҳамда бош терисига бальзам суртилмайди. Бош терисига суртилганда, соч толалари оғирликни кўтара олмай тўкилиш ҳолати кузатилиши мумкин.
Сочни ювгандан кейин нима қилиш керак?
- Соч турига қараб, улар учун мой ёки ҳимоя спрейи ишлатиш керак.
- Соч учун махсус ёғлардан кўп бўлмаган миқдорда фойдаланиш керак.
- Эфир мойи қуруқ сочларга қараганда нам сочларга яхши таъсир ўтказади, шунинг учун улардан фойдаланишдан аввал сочларни бироз намлаш зарур.
Иссиқлик чиқарувчи воситалардан фойдаланиш
Сочларни турмаклаш доим ҳам фен ёки бошқа иссиқлик таратувчи воситалар ёрдамида амалга оширилса, ундан камроқ фойдаланиш керак. Чунки соч толаси оқсил кератиндан ташкил топган бўлиб, иссилик таъсирига сезгир бўлади. Ҳарорат туфайли сочнинг юқори ҳимоя қатлами очилади. Кератин юмшаб, сочдаги намлик буғланади. Ёғлар парчаланиб, толалар мўрт ва синувчан бўлиб қолади.
Шуни таъкидлаш керакки, махсус спрейлар таркибида одатда, табиий оқсиллар, E ва B5 витаминлари ҳамда доривор ўсимликларнинг экстрактлари мавжуд. Ушбу компонентлар сочларни нафақат иссиқлик таъсиридан зарарсизлантиради, балки қўшимча ҳажмга ҳам эга бўлади.
