Машҳурлар кийган либослар бир зумда урфга кириши ёки аксинча, ижтимоий тармоқда мемга айланиши ҳам эҳтимолдан ҳоли эмас.
Кэти Перри Balmain либосида
Хонанданинг 2019 йилдаги «Грэмми» маросимига кийган кийими энг эсда қоларли образлар сирасидан ўрин олган.
Интернет фойдаланувчилари Кэтининг кенг пушти юбкасини музқаймоқ, торт ва бовлинг кеглиларига ўхшатган.
Карди Би Mugler брендининг либосида
Mugler’нинг винтаж коллекциясидан ўрин олган мазкур либос турли мемларга айланган. «Грэмми» (2019) да «Энг яхши рэп альбом» йўналиши бўйича мукофотга лойиқ деб топилишидан норози бўлган мухлислар Карди Бининг аккаунтига салбий мазмундаги изоҳлар ёзиб қолдирган. Қўшиқчи бунга жавобан ижтимоий тармоқдаги саҳифасини ўчириб юборган.
Приянка Чопра Ralph & Russo либосида
Приянканинг 2017 йилдаги «Оскар» тақдирлаш маросимига тепа қисми геометрик кўринишдаги либосни танлагани мухлислар учун мавзу бўлган.
Либос финжон ва гулдонга ўхшатилган.
Женнифер Лоуренс Dior брендининг либосида
«Ҳаёт-мамот ўйинлари» юлдузининг 2015 йилдаги «Олтин глобус»га одми либосда ташриф буюргани, ижтимоий тармоқ фойдаланувчиларига оддий кўрпа ва иккита камар билан мазкур образни осон такрорлаш имконини берган.
Рианна Giambattista Valli либосида ташриф буюрган
Хонанданинг «Грэмми»даги (2015 йил) пушти кенг либоси мочалка ва Сианинг соч турмаги билан қиёсланган.
Рианна Guo Pei либосида
Рианнанинг «Мet Gala—2015» да кийган сариқ рангли либоси эса интернетда анча вақтгача мавзу бўлган. Хитойлик дизайнер Гуо Пей томонидан тикилган кўйлакни ижтимоий тармоқ фойдаланувчилари омлет ва пицца билан таққослаган.
Сара Жессика Parker Met
Саранинг «Мet Gala—2015» маросимига кийган либосини Twitter фойдаланувчилари аниме-қаҳрамони ҳамда Рианнанинг «омлети» остидаги оловга ўхшатган.
Ким Кардашьян Givenchy томонидан тикилган либосда
Моделнинг диван қопламасини эсга соладиган гул туширилган либоси интернетда анча вақтгача муҳокама бўлган. «Met Gala—2013» маросими вақти Ким ҳомиладор бўлган ва либос муаллифи дизайнер Рикардо Тиши ҳеч қачон ҳомиладор аёлни бунчалик чиройли кийинтирмаганини таъкидлаган. Афсуски, бундай ижод намунасига интернет фойдаланувчилари етарлича баҳо бермаган.
Изоҳ (0)