Машҳурлар ҳаётини кўз-кўз қилишни ёқтиради, деб ўйлаганлар янглишади. Улардан айримлари муносабатларини овоза қилмаслиги, ким биландир пинҳона учрашиб, яна мухлисларга билдирмай, ими-жимида ажрашиб кетиши ҳам мумкин.
Жастин Тимберлейк ва Женна Деван
Бритни Спирс билан ажрашганидан кейин хонанда раққоса Женна Деван билан учрашган. Бу ҳақида кейинчалик Женнага уйланган Ченнинг Татум маълум қилган.
Ник Кеннон ва Ким Кардашьян
Канье Уэст билан турмуш қургунича Ким Кардашьян 2006 йилнинг сентябридан 2007 йилнинг январь ойигача Ник Кеннон билан учрашган.
Эштон Кутчер ва Женюари Жонс
Эштон Мила Кунис билан турмуш қургунича Женюари билан учрашган. Жонс берган интервьюларидан бирида унинг собиқ қаллиғи уни актриса сифатида қўллаб-қувватламаганини маълум қилган. Актриса йигитининг исмини айтмаган, аммо бошловчи Кутчер номини тилга олганида у эканини тасдиқлаган.
Мадонна ва Тупак Шакур
Мадоннанинг Майкл Жексон, Шон Пенн ва Гай Ричи билан учрашгани ҳақида ҳамма билади, аммо рэпер Тупак билан муносабатда бўлгани кўпчиликка маълум эмас. 1993 йил Соул Траин Music Awards тақдирлаш маросимидан кейин танишган жуфтлик турли ирққа мансуб экани сабаб муносабатларига нуқта қўйган.
Дрю Берримор ва Кристиан Бэйл
Юлдузлар учрашишни бошлаганида жуда ҳам ёш бўлган. Тез бошланган муносабатлар шунчалик тез ниҳоясига етган. Бунга Дрюнинг наркотик воситалар ва спиртли ичимликларга муккасидан кетгани сабаб бўлган.
Натали Портман ва Моби
Анча аввал учрашган жуфтликнинг муносабатлари узоққа бормаган. «Юлдузлар жанги» мухлисларига Люк Скаюокернинг онаси қандайдир диджей билан учрашиб юргани ёқмаган. Бир неча ойдан кейин машҳурларнинг ҳар иккиси ўз йўлидан кетган.
Том Круз ва Шер
80 йилларда хонанда Шер 18 ёшли Том Круз билан учрашган. У Томга нисбатан ҳамиша илиқ муносабатда бўлган ва унга бўлган ҳурматини яширмаган.
Изоҳ (0)