2021-yil 18-fevral kuni mashhur rus aktyori Andrey Myagkov 82 yoshida vafot etdi. Albatta, aktyorning “Taqdir hazili yoki qushdek yengil bo‘ling” filmidagi Jenya Lukashin roli unutilmas obrazlar qatoridan joy olgan. Go‘zal juftlik rolini ijro etgan Andrey Myagkov va Barbara Brilskani yodga olish bilan birga, kino olamidagi yana 6 ta partnyor haqida ham tanishib chiqishingiz mumkin.

Barbara Brilska va Andrey Myagkov

1975-yilda suratga olingan “Taqdir hazili yoki qushdek yengil bo‘ling” filmida Barbara va Andrey juftlik rolini ijro etgan bo‘lsa-da, ammo hayotda ular bir-biri bilan unchalik ham chiqisha olmagan. “Bizda ortiqcha munosabatlar bo‘lmagan, garchi Barbara juda yoqimtoy bo‘lsa ham”, – deb aytgan marhum aktyor Andrey Myagkov.

Juliya Roberts va Richard Gir

Juliya Roberts va Richard Gir ishtirokidagi “Go‘zal ayol” filmi o‘tgan asrning 90-yillarida suratga olingan. Film butun dunyo bo‘ylab mashhurlikka erishgan. Yulduzlar boshqa filmlarda ham birgalikda rol ijro etgan. Ammo ular mazkur kartina orqali muxlislar yodida saqlanib qolgan.

Ornella Muti va Adriano Chelentano

Ornella Muti va Adriano Chelentano 1981-yilda suratga olingan “Telba oshiq” filmida juftlik rolini ijro etgan. Muti hozir 65 yoshda, u hali ham ajoyib ko‘rinishga ega. Chelentano esa 82 yoshda va u ijoddan to‘xtaganicha yo‘q.

Anjelina Joli va Bred Pitt

Joli va Pitt birgalikda bir necha filmlarda rol ijro etgan bo‘lsa-da, ulardan eng omadlisi 2005-yilda suratga olingan “Janob Smit va Smit xonim” filmi edi. Ularning film namoyishidan keyingi hayoti ham havas qilarli darajada bo‘lgan. Ammo juftlik hozirda ajrashib ketgan.

Leonardo Di Kaprio va Keyt Uinslet 

1997-yil katta ekranlarga chiqqan “Titanik” filmi jahon kinematografiyasi tarixida qolgan. Film suratga olinganidan keyin ularning orasida do‘stona munosabat saqlanib qolgan va oilaviy bayramlarda ular bir-birinikiga tashrif buyuradi.

Nelli Uvarova va Grigoriy Antipenko

“Go‘zal bo‘lib tug‘ilma” filmida Nelli va Grigori ajoyib juftlik rolini ijro etgan. Aktyorlar his-tuyg‘ularning portlashini ishonchli tarzda tasvirlagan. Lekin  hayotda boshqa-boshqa yo‘ldan ketgan.

Sergey Bezrukov va Yekaterina Guseva

2002-yilda ekranlarni zabt etgan “To‘da” serialida juftlik rolini ijro etgan Bezrukov va Guseva filmdan tashqarida deyarli aloqada bo‘lmagan. Ularning karyerasi film namoyishidan keyin bor-yo‘g‘i bir yil davom etgan.