Ёлғон тасаввур: Экранда ҳақиқий ҳаётдагидан гўзалроқ кўринадиган Голливуд юлдузлари (фото)

Ушбу юлдузларни фақатгина экранда кўрганлар улар каби бўлишни орзу қилиши шубҳасиз. Аммо ҳаётда улар ҳеч қанақасига эътиборни торта олмайди.

Мила Кунис

Мила Кунис бир неча бор Голливуднинг энг жозибали ва талабгир актрисалари рўйхатига киритилган. Албатта, бу унинг экрандаги роллари учун эди. Ҳаётда эса Мила умуман бошқача кўринишга эга: юздаги ажинлар, кўз остидаги кўк доғлар. Афтидан, юлдуз атрофдаги одамлар фикри билан умуман қизиқмайди ва бўш вақтини бундай нарсаларга сарфламасликни афзал кўради.

Кэмерон Диаз

Бир неча йилдан буён актриса мухлисларини янги рол билан хурсанд қилмаганига қарамай, ҳамон унинг иштирокидаги фильмлар завқ билан томоша қилинади. Кадрларда Кэмерон беғубор ва ажойиб табассуми билан кўриниш беради. Оддий ҳаётда эса умуман бошқача: камдан кам ҳолларда сочларини турмаклайди. Бўянишни-ку, айтмаса ҳам бўлади. У кенг ва қулай кийимларни афзал кўради.

Анжелина Жоли

Анжелина Жоли узоқ йиллардан буён энг кўп тилга олинадиган гўзал ва рейтинги юқори юлдузлардан бири бўлиб келмоқда. Унинг фильм ва қизил йўлакдаги кўриниши қанчалар жозибали бўлмасин, аммо ҳаётда ундай эмас. У ҳам кенг ва қулай либосларни ёқтиради ва деярли бўянмайди. Унинг ўта оқ териси ва озғинлиги ҳам касалларга хос кўринишни акс эттиради.

Кристен Стюарт

Кристен Стюарт ҳамиша экран ва қизил гиламда чиройли кўринишга эга. У нафис либослар, чиройли соч турмаклари ва пардоз билан томошабинларни ҳайратга солишга одатланган. Ҳар сафар у яратган образ тафсилотлари диққат билан текширилади. Аммо актрисани кундалик ҳаётда бундай учратиб бўлмайди. У шунчаки сайрга чиққан вақтида нафақат кийиниш ҳақида ўйлайди, балки сочларини ҳам тарамайди.