Канаданинг Inkas компанияси баллистик ҳимояси BR6 стандартига жавоб берадиган зирҳланган BMW Х7 йўлтанламаси тасвирланган видеони намойиш этди. У 7,62 калибрли автоматдан отилган ўқларга ва иккита қўл гранатасининг портлашига бардош бера олади, деб ёзади Motor.
Бир қарашда автомобиль стандарт Х7’дан фарқ қилмайди, бироқ аслида у кўп қаватли ўқ ўтказмайдиган ойналар билан жиҳозланган, юкхона эшигига эса тўртбурчак шаклдаги кичикроқ кузатиш ойнаси ўрнатилган. Шунингдек, ёқилғи баки, аккумулятор ва электрон блок бошқаруви қўшимча ҳимояга эга бўлган.
Йўлтанламас учқунли маёқча билан жиҳозланган, мижознинг хоҳишига қараб тунги кузатиш тизимини, мотор бўлмасига эса тутун тутгич ва ўт ўчириш тизимини ўрнатиш мумкин.
Танлов учун зирҳланган Х7’нинг бир нечта модификацияси таклиф этилади: 340 от кучига эга 3,0 литрли турбомотор, 530 от кучига эга 4,4 литрли V8 двигатель. Агрегатлар саккиз поғонали автоматик узатмалар қутиси ёрдамида бошқарилади.
Inkas зирҳланган Х7’нинг нархини ошкор этмаган бўлиб, уни ҳар бир мижознинг шахсан ўзига маълум қилади.
Изоҳ (0)