Самарқанд вилоятининг Пайариқ туманида ИИБ бошлиғи ўринбосарига пора берган фуқарога жиноят иши қўзғатилди. Бу ҳақда «Дарё»га вилоят ИИБ ахборот хизмати маълум қилди.
Маълум бўлишича, 2021 йилнинг 15 февраль куни Пайариқ туман ИИБ Жиноят қидирув бўлими ходимлари 1992 йилда туғилган К.А.нинг оғилхонасидан таркибида олтин рудаси бўлиши мумкин бўлган тошлар майдаланаётганини аниқлаган.
Фуқаро мазкур ҳолатни расмийлаштирмасдан, ишни ўзининг фойдасига ижобий ҳал қилиб бериш ҳамда таркибида олтин моддаси бўлиши мумкин бўлган тошларни ўзида қолдириш эвазига туман ИИБ бошлиғининг биринчи ўринбосарига 5000 доллар пора таклиф қилган.
Ходим пора бериш жиноят эканлиги ҳақида К.А.га бир неча маротаба тушунтиришига қарамасдан, фуқаро тушликдан сўнг унинг олдига қайтиб келишини айтиб кетган. Туман ИИБ бошлиғининг биринчи ўринбосари ҳолат юзасидан вилоят ИИБ бошлиғи номига билдирги билан мурожаат қилган.
Билдиргига асосан, ИИВ Ўз хавфсизлик хизматининг вилоят бўйича бўлими ҳамда туман прокуратураси ҳамкорлигида ўтказилган тезкор тадбирда, К.А. ИИБ ходими билан учрашиб, олдиндан айтилган 5000 долларнинг 1500 долларини пора тариқасида бераётган вақтида ашёвий далиллар билан ушланган.
Ҳолат юзасидан Жиноят кодексининг 211-моддаси 1-қисми (пора бериш) билан жиноят иши қўзғатилган.
Мавзуга доир:
- Бухорода 23 сотих ерни расмийлаштиришда ёрдам бериш эвазига олдиндан 100 доллар ва 2 млн сўм олган кадастр ходимига жиноят иши қўзғатилди
- Нукусда фуқарони ички ишлар тизимига ишга киритишни ваъда қилиб, ундан 4,5 минг доллар олган шахс ушланди
- Тошкентда ЙПХ инспекторларига жами 500 доллар пора таклиф қилган уч ҳайдовчи ушланди
Изоҳ (0)