Килиан Мбаппе Чемпионлар Лигасида Шевченко ва Пушкашнинг рекордини такрорлади

ПСЖ ҳужумчиси Килиан Мбаппе Чемпионлар Лигаси 1/8 финал босқичи дастлабки учрашувида «Барселона»га қарши кечган ўйинда (4:1) ҳет-трик муаллифига айланди.

22 ёшли футболчи Чемпионлар Лигаси каталонларга учта гол урган тарихдаги учинчи футболчига айланди. Ундан аввал бу натижага Фаустино Асприлья («Ньюкасл») ва Андрей Шевченко («Динамо Киев») эришганди. Уларнинг иккиси бу ишни 1997 йилда амалга оширган ва у вақтда Мбаппе ҳали туғилмаганди.

Шунингдек, Мбаппе плей-офф босқичида «Кам Ноу»да «Барселона»га 2+ гол урган мусобақа тарихидаги иккинчи ўйинчи бўлди. Бунга қадар «Реал» собиқ ҳужумчиси Ференц Пушкаш 1959/60 йилги мавсумда бу ишни уддалаганди.