Марям Узерли фарзандининг отаси суратини кўрсатди, «Садоқатсиз» сериали актрисаси она бўлди. Турк киноси янгиликлари

Турк киносаноатидаги энг сўнгги хабарларни эътиборингизга ҳавола этишда давом этамиз.

Эфежан Шенолсуннинг 2,5 йилдан буён давом этаётган суд жараёни ўз якунига етди. Актёр суратга олиш жараёнида ҳамкасби Эли Ишжанга шилқимлик қилишда айбланганди. Далиллар етарли бўлмагани сабаб актёр айбсиз деб топилган. Опаси Мелиса ва дўстлари уни қўллаб-қувватлаш учун судга ташриф буюрган.

Турк матбуотида Марям Узерли узоқ вақтдан бери ким эканини сир тутаётган фарзандининг отаси сурати эълон қилинди.

Офисдан чиқаверишда мухбирлар қуршовида қолган Ўзжан Дениз собиқ рафиқаси Фейза Актан билан ўрталаридаги можарога изоҳ беришни хоҳламаган ва шунчаки тез орада ҳамма фактлар ошкор бўлишини билдирган.

Posta нашрининг маълум қилишича, Демет Ўздемир ва Ўгузхон Коч бирга яшашга қарор қилган.

Бурак Дениз «Марашлик» сериалида бирга суратга тушаётган ҳамкасби Алина Боз билан ишлаш ҳақидаги таассуротлари билан ўртоқлашди. Актёр бу Алина билан бирга иштирок этаётган илк лойиҳаси экани ва суратга олиш жараёни бир-бирини яқинроқ таниш имконини берганини таъкидлаган. Шунингдек, актриса сериалдаги қаҳрамонга мос экани ва энергияси уни илҳомлантираётганини қўшимча қилган.

Италия матбуотида Жан Яман ва Дилетта Леоттанинг шахсий муносабатлари муҳокамаси тўхтамаётган бир вақтда Жан «Сандокан» сериалида бош қаҳрамон ролини ижро қилиш учун тайёргарлик ишларини бошлаб юборган. Маълумотларга қараганда сериалдаги трюкларни ҳам актёрнинг ўзи бажаради.

«Садоқатсиз» сериали юлдузи Ўзге Оздер илк марта она бўлди. Актриса қизига Луна деб исм қўйган.

Star TV каналида эфирга узатилаётган «Менинг чап тарафим» сериали паст рейтингни қайд қилгани сабаб лойиҳа 13-қисмда якунига етади.

«Эшигимни қоқ» сериали ундаги айрим саҳналар сабаб RTÜK томонидан жаримага тортилди.