Аввал ва ҳозир: Болливуд актёрларининг болаликдаги суратлари (фото)

Ҳозирда улар нафақат ўз юртида, балки бутун дунё бўйлаб машҳурликка эришган юлдузлардир. Аммо болалигида улар ҳам барча каби ўйинқароқ, йиғлоқи ёки ширинликларга ўч бўлгани аниқ. Эҳтимол, улар болалик давриданоқ тезроқ улғайиб, Болливуд юлдузига айланишни орзу ҳам қилгандир. Албатта, улар бу борада муваффақиятга эриша олди.

Шоҳрух Хон

Болливуд қироли Шоҳрух Хонни болаликдаги суратига қараб, фақат кўзларидан таниб олиш мумкин. Йиллар ўтса ҳам, унинг кўзидаги маъно ўзгармаган.

Амир Хон

Ушбу актёрнинг нафақат кўзлари, балки қулоқ ва табассуми ҳам ҳанузгача болаликдагидек. Амир Хон балки шунинг учун ҳам актёрлик карьерасини ёшлигидан бошлаган.

Абҳишек Баччан

Маълум бўлишича, Абҳишек болалигида ўқиш ва ёзиш борасида бироз муаммога дуч келган. Аммо бу унинг олий маълумотли ҳамда таниқли актёр бўлишига тўсқинлик қилмаган.

Айшвария Рай

Актрисанинг болаликдаги суратига қараб, унинг ким эканлигини тахмин қилиш мумкин. Лаб, бурун ва кўзлар ҳамон ўша-ўша.

Акшай Кумар

Мана буни ҳақиқий ўзгариш деса бўлади. Акшай Кумар болалигида узун ва қора сочлари билан гўёки қизалоққа ўхшаган. Аммо йиллар ўтиб, жасур ва мард актёр сифатида танилди.

Ранбир Капур

Вақт ўтиши билан бутунлай таниб бўлмайдиган инсонлар бор. Бошқалар эса деярли ўзгармайди. Ранбир ҳам иккинчи тоифага кўра, кўриниши ва нигоҳи, ҳаттоки соч турмаги ҳам ўзгаришсиз қолган.

Шахид Капур

Суратданоқ болакайнинг қайсарлиги сезилиб турибди. Албатта, унга қараб, бир куни Болливуд юлдузи бўлишига ишониб бўлмас, аммо ҳаммаси кутилмаган натижани берди.

Карина Капур

Карина болалигиданоқ хушчақчақ ва сертабассум қиз бўлгани учунми, унинг аксарият роллари ҳам шундай характерда.

Приянка Чопра

Мактаб йиллариданоқ байрам тадбирларида иштирок этган бўлажак юлдузнинг табассуми ўзгаришсиз қолган.

Дипика Падуконе

Ҳозирда Болливуднинг энг кўп гонорар оладиган актрисаси болалигида оддийгина қизалоқ эди. Шуниси маълумки, ҳеч ким уни кун келиб юлдуз бўлишига ишонмаган.