Шанхай мерининг собиқ ўринбосари ва шаҳар жамоат хавфсизлиги бюроси директори Гун Даоан Хитой Коммунистик партиясидан (ХКП) чиқарилди ва эгаллаб турган барча лавозимларидан четлаштирилди, деб хабар бермоқда «Sinhua».
Бу баёнотни ХКП интизомни текшириш бўйича Марказий комиссияси ва Миллий назорат комиссияси мер ўринбосари иши бўйича тергов тугагандан сўнг маълум қилди.
Таъкидланишича, Гун Даоан партия ичида сиёсий муҳитга ёмон таъсир кўрсатадиган жиноятчилар жамоасини яратишга уринган. Собиқ мансабдор шахс ўз лавозимига тайинланганда ўз ваколатларини суиистеъмол қилгани ва учинчи шахсларнинг манфаатлари учун лоббистлик қилгани, шунингдек, коррупциявий фаолият юритгани аниқланган.
Қайд этилишича, амалдорнинг барча ноқонуний жамғармалари ҳамда даромадлари мусодара қилинади ва унинг иши жиноий иш қўзғатиш учун прокуратурага юборилади.
Бундан аввал Хитойда коррупция ва қўшхотинликда айбланган амалдор қатл этилгани ҳақида хабар берилганди.
Изоҳ (0)