Президент Шавкат Мирзиёев раислигида бўлиб ўтаётган 2021 йилги давлат дастурида белгиланган вазифалар ижросини таъминлашга бағишланган селектор йиғилишида мажлисбозликка йўл қўяётган ҳокимлар қаттиқ огоҳлантирилди. Бу ҳақда «Дарё» манбаси хабар берди.
«Мажлис қилмоқчимисан? Иштирокчилар 15 кишидан ошиқми, унда бош вазирдан рухсат оласан ва кейин маҳаллага бориб, мажлисни ўша ерда ўтказасан», — деди давлат раҳбари.
Президент, шунингдек, ҳокимиятда бўлиб ўтадиган мажлисларга маҳалла раислари ва «участковой»ларни чақиришни тақиқлаб, Тошкентдан бориб «район»ларда мажлис қилишни ҳам ман этган.
«Бу ‘участковой’ларга бошлиқ бўлмаган одамнинг ўзи йўқ экан. Ички ишлар тизими масаласини ўзи яқин орада алоҳида кўриб чиқамиз», — деган Президент.
Президент Шавкат Мирзиёев селекторда, шунингдек, мажлисбозликка йўл қўяётган раҳбарлар ишдан олинишини ҳам таъкидлаган.
«Огоҳлантиришлардан чарчадим, энди бу ҳолатга йўл қўйганлар ишдан олинади», — дея огоҳлантирган давлат раҳбари.
Президент раҳбарлигидаги селектор йиғилиши давом этмоқда. Унда барча вилоят раҳбарларининг ахбороти тингланмоқда.
Изоҳ (0)