Американинг The Ring нашри профессионал бокснинг барча вазн тоифалари бўйича янгиланган рейтингини эълон қилди. Рейтингда ўзбекистонлик боксчиларнинг ҳам ўрни ўзгарди.
Супер ярим ўрта вазн тоифасида жанг қилаётган Исроил Мадримов рейтингда тўртинчи поғонани эгаллади. Ушбу вазнда биринчи ўринда Теренс Кроуфорд, иккинчида Вержил Ортиз, учинчи ўринда эса Себастиян Фундора жой олган.
Супер ўрта вазнда рингга чиқаётган Шаҳрам Ғиёсов ҳозирда бешинчи ўринда қайд этилган. У WBA чемпионлик камари учун мажбурий даъвогар ҳисобланади. Ғиёсов профессионал фаолиятида 17 та жанг ўтказиб, барчасида ғалаба қозонган (10 таси нокаут). Сўнгги жангини 12 апрель куни аргентиналик Франко Максимилиано устидан 4-раундда нокаут билан якунлаган эди. Шу натижадан сўнг у рейтингда бешинчи ўринга кўтарилди. Мазкур вазн тоифасининг чемпиони Жарон Эннис ҳисобланади. Рейтингда биринчи ўрин Брайан Норманга тегишли, иккинчи ўринда Эймантас Станёнис, учинчи ўринда эса Жовани Сантилян жойлашган.
Иккинчи ўрта вазн тоифасида Бектемир Мелиқўзиев ўнинчи ўринни эгаллаб турибди. Бу тоифада чемпион Сауль Алварес бўлса, рейтингда биринчи ўринни Кристиан Мбелли, иккинчи ўринни Диэго Пачеко, учинчи ўринни эса Ослейс Иглесиас эгаллаган.
Иккинчи энг енгил вазн тоифасида WBA Interim чемпионлик камарига эга бўлган Муроджон Аҳмадалиев рейтингда учинчи ўринда қайд этилган. У 12 сентябрь куни ушбу вазннинг амалдаги чемпиони Наоя Иноуэ билан жанг қилади. Шунингдек, рейтингда биринчи ўринни Марлон Тапалес эгаллаган, иккинчи ўринда Аҳмадалиев бўлса, кучли учликни Луис Нери якунлаб турибди.
Маълумот учун, бошқа вазн тоифаларида ўзбекистонлик бокчилар рейтингга киритилмади.
Изоҳ (0)