Таниқли ҳинд актёри Абҳишек Баччан туғилган кунини нишонлади (фото)

Абҳишек Баччан 2021 йил 5 февраль куни 45 ёшга тўлиши муносабати билан туғилган кунини нишонлади. Бу ҳақда «Кинотека» хабар берди.

Албатта, бутун мамлакат актёрни табриклаш асносида унинг отаси Амитабҳ Баччан биринчилардан бўлди, у ўғли билан тушган икки сурат коллажини баҳам кўрди.

Амитабҳ Баччан суратга қуйидагича изоҳ берган: «Бир пайтлар мен унинг қўлидан ушлаб, етаклаган бўлсам, энди у мени қўлимдан тутиб олиб юради».

Шунингдек, Абҳишекнинг рафиқаси мафтункор Айшвария Рай ҳам турмуш ўртоғини табриклаб, бахт порлаётган оилавий суратини тақдим этди. Актриса постга қуйидагича изоҳ берган: «Бахтлиман. Ва бир умрга яхши кўраман».

Бундан ташқари, 45 ёшга тўлган актёрнинг мухлислари ҳам бир-биридан ажойиб тилаклар билан уни табриклашган. Актёрнинг ижоди борасида ҳам бир қанча янги лойиҳалар мавжуд бўлиб, улардан бири Харшад Мехта ролини ижро этган «Катта буқа» фильмидир. Шунингдек актёрни «Тарих» фильмининг давоми сифатида Дии Аннапурний Гош режиссёрлигидаги «Боб Бисвас» триллерида кўриш мумкин.