Бугун,

  • USD 11095.31
  • RUB 173.84
  • EUR 10772.44

Ўзбекистоннинг тупроқ-иқлим шароити доривор ўсимликларнинг қимматли турларини етиштириш учун жуда қулай саналади. Бу ҳақида Шарқнинг буюк табиби Абу Али Ибн Сино ўзининг «Тиб қонунлари» асарида алоҳида таъкидлайди. Жумладан, асарда заъфароннинг 100 дан ортиқ турдаги касалликларни даволашда ишлатилиши таъкидланган.

Шуни таъкидлаш лозимки, юртимизда заъфарон плантациялари 2017 йилда Ўзбекистон Республикаси Президенти Шавкат Мирзиёев ташаббуси билан амалга оширилаётган чора-тадбирлар доирасида барпо этилмоқда.

BMB Za’faron янги бренди учун заъфарон плантациялари BMB Shifo шўъба корхонаси томонидан 2020 йилда яратилган. Жиззах вилоятининг Бахмал туманида доривор ўсимликлар етиштиришга ихтисослаштирилган мазкур корхона мамлакатимизнинг энг қулай ва экологик тоза ҳудудларидан бирида фаолият олиб боради.

Мазкур бренд заъфарон маҳсулоти маҳаллий ва хорижий мутахассислар томонидан юқори баҳоланиб, тегишли сертификатлар билан тасдиқланган.

2021 йилнинг 5 февраль куни BMB Trade Group компанияси пойтахтимиздаги Hyatt Regency Tashkent меҳмонхонасида давлат ва жамоат арбоблари, хорижий давлатларнинг юртимиздаги дипломатик ваколатхоналари, эл ардоғидаги санъаткорлар, ишбилармонлар, оммавий ахборот воситалари вакиллари ҳамда таниқли блогерлар иштирокида заъфарон махсулотининг BMB Za’faron бренди тақдимоти ўтказилди.

Мазкур тақдимот ҳамкорлари сифатида Ўзбекистон Республикаси Инвестициялар ва ташқи-савдо вазирлиги, Ўзбекистон Республикаси Ўрмон хўжалиги давлат қўмитаси, Соғлиқни сақлаш инновацион ривожлантириш миллий палатаси, «Kafil» суғурта компанияси ва «Шафран» илмий-тадқиқот маркази иштирок этишди.

Тадбир аввалида, BMB Trade Group компанияси кузатув кенгаши раиси Бекзод Маматқуловга кириш сўзи берилди ва тадбир тантанали очиқ, деб эълон қилинди.

Заъфарон фойдали хусусиятларини ўрганишда катта ҳисса қўшган табобат илми султони Абу Али Ибн Сино сиймоси акс эттирилган саҳна кўриниши меҳмонларда чуқур таассурот қолдирди.

Соҳа мутахассислари томонидан иштирокчилар эътиборига тақдим этилаётган заъфарон маҳсулотининг янги BMB Za’faron бренди ҳақида тадбир меҳмонлари томонидан ижобий фикрлар билдириб ўтилди.

Шунингдек, Тошкент врачлар малакасини ошириш институти кафедра мудири, профессор, тиббиёт фанлари доктори Феруза Ибрагимовна Ҳамрабаева шафран дамласини тайёрлаш ва унинг инсон организми учун фойдали хусусиятлари ҳақида нутқ сўзлади.

Тақдимот давомида иштирокчилар Ўзбекистон халқ артисти, моҳир опера ижрочиси Рамиз Усмоновнинг қўшиқ садолари остида инсон саломатлиги учун шифобахш бўлган заъфарон дамламасидан татиб кўришди.

BMB Za’faron бренди остида тақдим этилаётган заъфарон маҳсулотининг тарихи, ишлаб чиқариш жараёнини ўзида тўлиқ ва батафсил мужассам этган махсус видеоролик намойиши ҳам тадбир қатнашчилари ўртасида алоҳида унутилмас таассурот қолдирди.

Тадбир сўнггида Ўзбекистон Республикаси Ўрмон хўжалиги давлат қўмитаси раисининг биринчи ўринбосари Олим Арзикулович Ҳакимов ҳамда BMB Trade Group компанияси ижрочи директори Абдурашид Шаруфутдинов ўзаро ҳамкорлик ҳақидаги келишувни имзолади.

Шунингдек, BMB Trade Group компанияси бош директори Бахтиёр Зулфиқоров заъфарон экспорти юзасидан Саудия Арабистонининг STE компанияси бош директори, жаноб Убайдуллох билан дистрибюторлик компаниясининг тижорат директори Мирғулом Усманов ва Гана давлатининг Hairmik Ventures косметика компанияси бош директори Эммануэлла Квофи хоним билан «фьючерс» шартномалари онлайн форматда имзоланди.

Ушбу имзоланган шартнома ва келишувларнинг асосий аҳамияти шундаки, мамлакатимиз раҳбарияти томонидан маҳаллий маҳсулотларни экспорт ҳажмини янада оширишга ва экспорт бозорларининг жуғрофиясини, шу жумладан, Яқин Шарқ ва Африка давлатлари мисолида янада кенгайтиришга хизмат қилади.

Тақдимот шукуҳини ошириш мақсадида мамлакатимизнинг таниқли санъат намоёндаларидан бири, Ўзбекистонда хизмат кўрсатган артист Зиёда Қобилова томонидан халқ орасида машҳур бўлган хит қўшиқлари ижро этилди.

Барча иштирокчиларга BMB Za’faron бренди маҳсулоти тадбир ташкилотчилари томонидан қимматбаҳо совға сифатида тарқатилди.

Умуман олганда, BMB Za’faron брендининг бўлиб ўтган тақдимоти мамлакатимиз ички заъфарон бозорида янги ўйинчи пайдо бўлишини англатади. Бу эса ўз навбатида доривор ўсимликлар бозорида соғлом рақобат муҳитини шакллантиришга ёрдам беради.

BMB Trade Group матбуот хизмати

Телефон: (+998 71) 230 22 99

E-mail: www. info@bmb-tg.uz

Реклама ҳуқуқи асосида.

Изоҳ
Асосий янгиликлар
Маҳаллий
Андижондаги заправкада навбатсиз киришга уринган ҳайдовчи бир неча ИИБ ходимлари томонидан ушланди (видео)
Иқтисодиёт
Ўзбекистонда нархларнинг ўсиши суръати январь ойида пасая бошлади
Маҳаллий
Тошкентда 12 ёшли қизнинг мурдаси зўрлик ва қотиллик аломатлари билан топилди