Ҳиндистонда Осиёдаги энг йирик авиакосмик кўргазмалардан бири бўлиб ўтди. Унда 78 дан ортиқ мамлакат вакиллари иштирок этиб, қуролсозлар Бангалорга энг сўнгги ҳарбий маҳсулотларнинг юзлаб намуналарини олиб келди.
Ташкилотчилар «Aero India 2021» халқаро кўргазмасини камтарона тарзда коронавирус давридаги биринчи глобал авиашоу деб аташмоқда.
Пандемия даврида Париж ва Австралияда бўлиб ўтадиган ҳаво шоулари қолдирилгани туфайли Ҳиндистон кўргазмаси иштирокчилари сони қарийб бир ярим бараварга кўпайган.
Ҳиндистон мудофаа вазири Ражнат Сингх январь ойи охирида «Aero India»ни эълон қилиб, кўргазмани «Бир миллиард имкониятга эга учиш-қўниш йўли» деб атади.
«Aero India» парвоз дастурида 41 та самолёт иштирок этди.
Иштирокчилардан бири − яқинда Ҳиндистон ҳаво кучлари таркибига кирган Тежас енгил кўп қиррали қирувчиси.
Ҳиндистон ҳаво кучлари аэробатика гуруҳи Суря Киран «Aero India 2021» кўргазмасида.
Анъанавий тарзда кўргазмада қатнашадиган Россия бу йил «Aero India»нинг энг йирик иштирокчиларидан бирига айланди.
Россия экспозицияси «Рособоронекспорт» томонидан намойиш этилди.
Россия«Aero India» кўргазмасига бешинчи авлод Cu-57E қирувчи самолёт ва ҳарбий самолёт Cu-35 ва MiG-35D, ҳарбий транспорт Il-76MD-90A(E) ва Il-78MK-90А танкер самолётлари моделини олиб келди. Шунингдек, Ка-226Т вертолётининг моделлари ва Pansir-C1 зенит-ракета ва замбараклар тизими намойиш этилган.
АҚШ ҳам ўз экспозициясини намойиш этди.
Кўргазмада асосан Ҳиндистон ҳаво кучлари фойдаланадиган техникалар иштирок этди.
Ҳиндистон ҳаво кучлари «Aero India 2021»да.
«Aero India 2021» Бангалорда 2021 йилнинг 3–5 февраль кунлари бўлиб ўтди.
Россия Ҳиндистон билан юздан ортиқ йўналишларда, шу жумладан, авиация соҳасида қўшма илмий лойиҳаларни амалга оширди.
Ҳиндистон армияси 70 фоиз Россияда ишлаб чиқарилган қурол-яроғ билан таъминланган.
Кузатувчилар кўргазмада енгил кўп қиррали Тежас қирувчисининг парвозини томоша қилмоқда.
Изоҳ (0)