Internetda fevral va mart oylarida yaxshiroq kuzatish mumkin bo‘lgan ajoyib tabiat hodisasi — shimol yog‘dusini to‘g‘ridan to‘g‘ri tomosha qilish imkoniyati paydo bo‘ldi, deb xabar beradi Hi-Tech.Mail.ru.
Kameralardagi tasvirlangan Explore.org sayti va YouTube orqali uzatilmoqda. Saytni yangi deb atab bo‘lmaydi — translyatsiya haqida o‘tgan yilning boshida ma’lum bo‘lgan, biroq uzoq vaqt davomida u ishlamayotgan edi. Hozirda translyatsiya qayta tiklangan.
Kanadada shimol yog‘dusini kuzatishning eng yaxshi vaqti dekabrda boshlanadi va aprel boshiga qadar davom etadi. Pandemiya sabab uni “jonli” uzatish imkoni bo‘lmagan, shu sababli Explore kompaniyasi internet foydalanuvchilarini xursand etishga va onlayn-translyatsiyani yo‘lga qo‘yishga qaror qilgan.
Quyoshdan kelgan plazma (erkin elektronlar va protonlar) Yerning magnitosfera qatlamiga urilganida, ular magnit yoylari bo‘ylab Yerning qutblari tomonga harakatlanadi. Qutblarda magnit yoylar atmosferaga juda yaqin joylashgani uchun Quyosh zarrachalari atmosferadagi kislorod, azot va boshqa gazlarga uriladi. To‘qnashuvlar natijasida gaz atomlaridan katta miqdordagi energiya yorug‘lik ko‘rinishida otilib chiqadi. Umumiy tasvirda esa inson ko‘ziga ko‘rinuvchi go‘zal va qo‘rqinchli shimol yog‘dulari hosil bo‘ladi.
Izoh (0)