Дунё бўйлаб ҳар йили миллионлаб пластик телефон жилдлари чиқиндига чиқарилади, улар атроф-муҳитга зарар ҳам етказади. Аммо замонавий экополимердан, яъни микропластикасиз, лимон кислотаси, кальций карбонат ва буғдой сомонидан тайёрланган Солома жилдини озиқ-овқат чиқиндилари билан ташлаш мумкин. У зарарсиз ҳолда парчаланиб, тупроқнинг бир қисмига айланади.
Биологик парчаланадиган жилдлар ишлаб чиқарувчиси Солома бренди Москванинг икки экологик ташаббускори – Марина ва Георгий томонидан ишлаб чиқилган. Жуфтлик бирга яшаш жараёнида бу каби зарарли чиқиндиларни бошқаларига қўшиб ташлай олмаслигини билган. «Биз полиэтилен пакетларини халта ва эко-сумкаларга алмаштирдик. Озиқ-овқат, транспорт, чиқинди ва қадоқлаш танловига онгли равишда мурожаат қилдик. Шунда бошқаларни қандай қилиб бу ишга жалб этиш ва шу орқали сайёрамизга ёрдам бериш ҳақида савол пайдо бўлди. Сўнгра Солома – мақсади оддий экологик одатларни илгари сурувчи блог лойиҳасини яратдик. Шунингдек, биз компостланган телефон жилдларини сотамиз ва маблағнинг бир қисмини Россиянинг табиатни муҳофаза қилиш фондларига ўтказамиз», − дейди жуфтлик.
https://www.instagram.com/p/CJai1AqnM89/?utm_source=ig_embed
Ушбу бренд бир йилдан кўпроқ вақт давомида мавжуд бўлиб, ўтган вақт ичида Марина ва Георгий мингдан зиёд жилд сотишга муваффақ бўлди ва 755 долларни табиатни муҳофаза қилиш фондларига ўтказди. Бизнес стандартлари бўйича бундай камтарона натижалар жуфтликни ранжитмайди, улар энг кичик қадамни ҳам муҳим деб билади.
https://www.instagram.com/p/B_FNAbSnpW2/?utm_source=ig_embed
Бундан ташқари, сайтдан iPhone, Samsung ва Huawei моделлари учун ҳам қопламалар харид қилиш мумкин.
https://www.instagram.com/tv/B5NUjBLoCAD/?utm_source=ig_embed
Изоҳ (0)