«Ливерпуль» Чемпионлар Лигаси плей-офф босқичи учун қайдномасини маълум қилди.
Sky Sports’нинг хабарига кўра, мавсум аввалида жиддий жароҳат олганига қарамай, ҳимоячилар Виржил ван Дейк ва Жо Гомес қайдномадан чиқарилмаган.
Аввалроқ «қизиллар» бош мураббийи Юрген Клопп 29 ёшли ван Дейкнинг бу мавсумда майдонга қайтиши эҳтимолдан йироқлигини айтганди. Шунингдек, мутахассис 23 ёшли Гомеснинг ҳолати ҳам шунга яқинлигини қўшимча қилганди.
Шу билан бирга Мерсисайд клуби Жоэл Матипни таркибдан чиқариб ташлади, камерунлик футболчи тўпиғидан олган жароҳати сабаб мавсумнинг қолган қисмини ўтказиб юборади.
Таркибга эса жамоа янги қўшилганлар Ўзан Кабак, Бен Дэвис ҳамда Натаниэл Филлипс киритилган.
«Ливерпуль» Чемпионлар Лигасининг 1/8 финал босқичида Германиянинг «Лейпциг» клубига қарши баҳс олиб боради. Жамоаларнинг биринчи учрашуви 16 февраль санасига белгиланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)