Бир неча кун олдин Samsung Galaxy S21 сериялари жаҳон бозорида сотувга чиқди. YouTube’даги EverythingApplePro канали Galaxy S21 Ultra ва iPhone 12 Pro Max флагманларининг тепадан пастга тушишга қанчалик бардошли эканлигини синаб кўрди.
Синов бир неча босқичда ўтказилган ва қурилмалар орасидаги сезиларли фарқ охирги босқичда — 3 метр баландликдан тушишда билинган. Бироқ Galaxy S21 Ultra’ни йиғишдаги дастлабки камчиликлар бироз олдин маълум бўлган — орқа панели билан тепадан ташланган смартфоннинг камералар блокидан телеобъектив учиб кетган.
Қизиқ жиҳати, Samsung’нинг ҳимоя ойнасида ёриқлар пайдо бўлган бир вақтда Apple смартфони экранига ҳеч нарса қилмаган. Шундай қилиб, Ceramic Shield қопламаси Gorilla Glass Victus’дан анча мустаҳкам бўлиб чиқди. iPhone 12 Pro Max’нинг орқа панели эса Galaxy S21 Ultra’никидан фарқли ўлароқ синиб кетган.
Ҳар қандай ҳолатда ҳам ролик муаллифлари иккала смартфонни ҳам ҳимоя ғилофларида олиб юришни тавсия қилади.
Аввалроқ Samsung Galaxy S21 Ultra’даги бармоқ изи сканери жуда тез ишлаши намойиш этилган эди.
Изоҳ (0)