Жон Проссер исмли блогер ўзининг аноним манбаларига таяниб, 2021 йилда Apple 1 терабайт ички хотирага эга смартфонни тақдим этиши тўғрисида хабар берганди. Hi-Tech.Mail.ru’нинг ёзишича, гап 13 Pro ва 13 Pro Max моделлари ҳақида кетмоқда.
GizChina эксперт порталида iPhone 13 Pro смартфони тақдим этилганида унинг нархи қанча бўлиши тахмин қилиб кўрилди. Мисол тариқасида iPhone 12 серияси олинадиган бўлса, 128 гигабайт ички хотирага эга iPhone 12 Pro’нинг расмий нархи 999 долларни ташкил этади. 256 ва 512 гигабайтли версиялари эса мос равишда 1099 ҳамда 1299 долларга тенг. Хитойда эса ушбу моделлар мос равишда 1314 доллар, 1439 доллар ва 1716 доллардан сотилмоқда.
«Кўриб турганимиздек хотира ҳар сафар 128 гигабайтга кўтарилганида смартфон нархи 100 долларга қимматлашмоқда», — дейилади хабарда. Хитойда ички хотиранинг 128 гигабайтга ошиши смартфоннинг 124 долларга қимматлашишига сабаб бўлган. Мазкур тенденциядан келиб чиқиладиган бўлса, 1 терабайт ички хотирага эга iPhone АҚШда 1699 доллардан, Хитойда эса 2165 доллардан сотувга чиқади.
Аввалроқ Apple томонидан 2021 йилда тақдим этиладиган смартфонлар линейкаси iPhone 12s номини олиши, 2021 йилда тақдим этадиган iPhone’га бармоқ изи сканерини ўрнатиши тўғрисида хабар берилганди.
Изоҳ (0)