Қирғизистон собиқ президенти Сўронбой Жээнбеков рафиқаси билан бирга Умра сафарига жўнаб кетди. Бу ҳақда собиқ президентнинг матбуот котибига таяниб Kloop хабар бермоқда.
Фото: «24.кг»
Жээнбеков 2 февраль куни эрталаб кичик Ҳаж (Умра) сафари учун рафиқаси билан «Манас» халқаро аэропортидан Истанбулга учиб кетган, у ердан эса Саудия Арабистонининг Жидда шаҳрига парвоз қилган.
Кичик Ҳаж 10 кундан ортиқ давом этади, шундан кейин Жээнбеков Бишкекка қайтиб келади.
Матбуот котиби қайд этишича, Жээнбеков бу саёҳатни 2020 йил ноябридан буён режалаштирган. У Умра сафарини Саудия Арабистони Қиролининг таклифи билан амалга оширмоқда.
Эслатиб ўтамиз, Қирғизистон президенти Сўронбай Жээнбеков мамлакатдаги норозилик ва сиёсой инқироз шароитида 2020 йилнинг октябрь ойида истеъфога чиққан. Унинг ўрнини Садир Жапаров эгаллаган.
Мавзуга доир:
- Қирғизистоннинг собиқ президенти Жээнбеков сўроқ қилиш учун судга чақирилди
- Қирғизистоннинг янги президенти Садир Жапаров лавозимига расман киришди
- Қирғизистон президенти вазифасини бажарувчи Садир Жапаров истеъфога чиққан Жээнбековга собиқ президент мақомини бериш ҳақидаги фармонни имзолади
- «Худо ва халқ олдида виждоним тоза». Сўронбай Жээнбеков президентликдан истеъфога чиқиш қарорига изоҳ берди
