Ижтимоий тармоқ фойдаланувчилари Энн исмли «Арлекин Ихтиози» касаллиги билан туғилган қизалоқ суратлари ва видеосини томоша қилишни яхши кўради.
Энн ҳар 500 минг кишида кузатилиши мумкин касаллик билан туғилган. Унинг оч-пушти териси доимий равишда кўчади, қош ва киприклари эса умуман кўринмайди.
Шунга қарамай, фаол турмуш тарзини олиб борадиган қиз Instagram ва TikTok’да машҳурликка эришишга муваффақ бўлган.
Кадрларда асосан онаси билан бирга кўриниш берадиган қизнинг акалари синглисини жуда ҳам яхши кўради ва унга ғамхўрлик қилади.
Машҳурлар орасида камёб тери касалликлари билан оғрийдиганлар кўп учрайди. «Американча топ модель» кўрсатувининг 21-фаслида иштирок этган ва карьера борасида муваффақиятга эришган Винни Харлоу бунинг яққол мисоли.
Маълумот учун, ирсий касаллик ҳисобланадиган ихтиоз генлар мутацияси билан намоён бўлади. Терининг мунтазам равишда кўчиши билан бирга беморда оғриқ, айрим ҳолларда иммунитет сусайиши ва ҳазм жараёни билан муаммолар кузатилади.
Изоҳ (0)