Ўзбекистонда инфляция даражаси январь ойида 1 фоизни ташкил этди. Бу ҳақда Давлат статистика қўмитасининг ҳисоботида келтирилган.
Spot’нинг ёзишича, ушбу кўрсаткич Марказий банк прогнозларини оқлади — 2021 йилда инфляция 11-12,5 фоиз атрофида бўлишини прогноз қилган, буни иқтисодиётда вужудга келаётган вазият ва давом этаётган пандемия шароитидаги ноаниқлик билан изоҳлаганди.
Январь ойида истеъмол товарлари нархи 1,2 фоизга, ноозиқ-овқат маҳсулотлари 0,5 фоизга кўтарилган, хизматлар 1,4 фоизга қимматлаган.
Қайд этилишича, озиқ-овқат маҳсулотлари ва спиртсиз ичимликлар асосий гуруҳлари ичида мевалар ва ёнғоқлар (3,2 фоиз), сабзавотлар, илдизмевалилар, плантайнлар (сабзавот бананлар) ва дуккаклилар (2,3 фоиз) нархлари мавсумий омил таъсирида ой давомида сезиларли даражада ошди.
2020- йилнинг январь ойи билан таққослаганда, асосий турдаги озиқ-овқат маҳсулотларидан гречиха дони (1,5 баробарга), тухум, ўсимлик ёғлари, қўй гўшти (1,3 баробарга), шакар, мол гўшти (1,2 баробарга), хом сут (18,4 фоизга), ун (14,9 фоизга), барча навдаги гуруч ва гуруч оқшоғи (14,1 фоизга) сезиларли даражада қимматлаган.
Хизматлардан сув таъминоти (1,6 баробар), маиший чиқинди учун тўлов (0,7 фоиз) ошган.
Бундан ташқари, тиббиёт ҳам қимматлади: йил давомида дори воситалари 13,8 фоизга, даволаниш 7,8 фоиздан 15,2 фоизгача қимматлади.
Изоҳ (0)