Ўзбекистон—Тожикистон чегарасида 1 февраль, душанба куни Тошкент вақти билан соат 16:00 да зилзила қайд этилди, дея хабар бермоқда ФВВ Сейсмопрогностик мониторинг Республика маркази.
Хабар берилишича, зилзила эпицентри Тошкент шаҳридан 135 километр жанубий-ғарбий йўналишдаги масофада жойлашган бўлиб, ўчоғи 10 километр чуқурликда, магнитудаси 3,3 баллга тенг бўлган.
Ер ости силкинишлари кучи Гулистон шаҳрида 2 баллни ташкил этган.
Аввалроқ 17 январь куни Ўзбекистоннинг қатор вилоятларида унча кучли бўлмаган ер ости силкинишлари қайд этилгани, 11 январь куни Фарғона водийси вилоятларида зилзила сезилгани, 1 январь куни Тошкент шаҳрида 3 баллик зилзила қайд этилгани, 22 январда Қирғизистонда содир бўлган зилзила кучи Фарғона ва Андижон вилоятларида сезилгани ҳамда шундай зилзиладан яна бири 29 январь куни Наманганда ҳам сезилгани ҳақида хабар берилганди.
Изоҳ (0)