Тошкент шаҳри марказидаги тирбандликларни камайтириш мақсадида турк мутахассислари билан ҳамкорликда метро бекатлари ёнида автотураргоҳларни ташкил этиш бўйича ўрганиш ишлари олиб борилмоқда. Бу ҳақда Тошкент шаҳар транспорт бошқармаси бўлим бошлиғи Аҳрорхўжа Тошхўжаев АОКАда ўтказилган матбуот анжуманида маълум қилди.
Таъкидланишича, Тошкентга шаҳар атрофидан кириб келаётган транспорт воситалари оқими ўрганилган ҳамда макромодель сифатида ишлаб чиқилган.
Ривожланган давлатларда одамлар метро бекатига шахсий автоуловида келиб, уни метро ёнидаги автотураргоҳга қўяди ва йўлини жамоат транспортида давом эттиради.Эслатиб ўтамиз, Шавкат Мирзиёев 2020 йил 26 декабрь куни Тошкент метрополитенининг Сергели линиясига ташриф буюриб, янги қўшиладиган Қўйлиқ линияси ва метронинг келажакда қуриладиган босқичларига оид лойиҳалар билан танишган эди. Ташриф давомида Шавкат Мирзиёев метрони ривожлантириш лойиҳасини охиригача етказиш топшириғини берган ва Тошкент метросидаги йўловчилар оқимини кунига 500 минг кишидан 1 миллионга етказиш мақсадини қўйганди.Ўзбекистонда ҳам ана шундай тизим ва йирик автотураргоҳларни ташкил этиш режалаштириляпти. Ҳозир турк муҳандислари билан ўрганиш-таҳлил ишлари олиб борилмоқда. Бу шаҳардаги тирбандликни камайтириш ва жамоат транспорти ҳаракати учун қулай шароит яратиш учун муҳим.
Тошкент шаҳрида 500 мингдан ортиқ шахсий транспорт рўйхатга олинган. Жамоат транспорти орқали эса ўртача 480 минг йўловчи ташилмоқда. Яъни шаҳар аҳолисининг 10 тадан атиги 2 таси жамоат транспортидан фойдаланмоқда. Биз бу кўрсаткични юқори даражага олиб чиқишимиз керак.
Аҳрорхўжа Тошхўжаев, Тошкент шаҳар транспорт бошқармаси бўлим бошлиғи
Изоҳ (0)