Disney компанияси 7 ёшга кирмаганларга «ирқчилик»ка оид саҳналар мавжудлиги сабабли баъзи мультфильмларни кўришни чеклаб қўйди

Disney+ стриминг хизмати етти ёшгача бўлган болалар аудиторияси учун мўлжалланган баъзи мультфильмларни кўришни «ирқий стереотиплар» сабабли чеклаб қўйди, деб хабар берди Daily Mail.

Тақиқланган мультфильмлар рўйхатидан «Питер Пен», «Аристократ мушуклар» ва «Швейцариялик Робинзон оиласи» бадиий фильмлари жой олган. Компания вакиллари аниқлашича, «Питер Пен»да (1953) маҳаллий америкаликларнинг ирқчилик қиёфасини кўриш мумкин, «Аристократ мушуклар»да (1970) эса келиб чиқиши осиёлик бўлган персонаж мавжуд.

1941 йилда ишланган «Дамбо» мультфильмидаги Жим исмли қарға афро-америкаликларнинг карикатураси ҳисоблангани учун, «Швейцариялик Робинзон оиласи» (1960) эса сариқ ва қора юзли қароқчи персонажлари сабабли танқидга учради. Болалар учун мўжалланган фильмларни тақиқлаш тўғрисидаги қарорни бир гуруҳ ташқи экспертлар қабул қилди. Ушбу чекловлар катталарга тааллуқли эмас.

Эслатиб ўтамиз, ўтган йилнинг октябрь ойида Disney+ томошабинларни баъзи мультфильмларда ирқчиликни акс эттирувчи ғоялар мавжудлиги ҳақида огоҳлантира бошлаган эди.