Дунёга машҳур туркиялик актриса Туба Буюкустун 25 сонияли видеотасвирда 101 332 доллар ишлаб топди. Бу ҳақда «RusTurkey.com» хабар берди.
Маълумотларга кўра, «Eti Browni Intense» ширинликлари учун реклама ролиги суратга олинган. ETI реклама бўлими ходимларининг фикрига кўра, Тубанинг номзоди шубҳасиз энг яхши танлов ҳисобланади. Чунки у иштирок этган барча реклама кaмпанияларига ажойиб таъсир ўтказган.
Эслатиб ўтамиз, актриса сўнгги кунларда «Элчининг қизи» сериали қаҳрамони − Нарени ижро этиши туфайли ҳам оммавий ахборот воситалари томонидан энг кўп муҳокамага сабаб бўлмоқда.
Шунингдек, Истанбулда туғилиб ўсган Туба Буюкустун ўзбек телетомошабинларига жуда яхши таниш бўлиб, у «Арғувонлар остида», «Осиё», «Пул ва гул ишқи, «Жасур ва гўзал» каби сериаллардаги роллари билан мухлисларнинг қалбини забт эта олган.
Мавзуга доир:
Изоҳ (0)