Бугун,

  • USD 11095.31
  • RUB 173.84
  • EUR 10772.44

«Андижоннома» таҳририяти ўрнида Президент мактаби қурилиши сабабли таҳририят ходимлари кўчада қолишдан хавотирда эканлиги ҳақида хабар берилган эди. Вилоят ҳокимлиги хавотирга ўрин йўқлигини, таҳририят учун Андижон шаҳри марказида барча қулайлик ва шароитларга эга, замонавий бино қуриб битказилиб, таҳририят кўчириб ўтказилгандан сўнг қурилиш ишлари амалга оширилишини билдирганди.

Фото: Yandex

Фото: Yandex

«Xabar.uz»нинг ёзишича, маҳаллий журналистлар ваъдалар бажарилишига шубҳа қилмоқда. «Аччиқ тажрибалар йўқ эмас-да. Масалан, уч ойда реконструкция қилиниши кўзда тутилган Бобур номидаги вилоят ахборот-кутубхона маркази қарийб икки йилдирки, тугалланмаяпти. Ноёб китоб фонди эса техникумларнинг бирида, тиқилинч шароитда зах босган ҳолда сақланмоқда. Кутубхонадан ўқувчилар оёғи узилган, жамоанинг ишлаши учун шароит йўқ. Ёзувчилар уюшмасининг вилоят бўлими ҳам худди шундай турар жойсиз ҳолатда кун кўрмоқда», — дея бажарилмаган ваъдалардан мисол келтирилган ва «андижонча спектакль»дан сўнг вилоят мутасаддиларига нисбатан жамоатчиликда ишонч сингани эслатиб ўтилган.

«Таҳририят учун ‘шаҳар марказида барча қулайлик ва шароитларга эга, замонавий бино қуриб берилиши’ рост бўлса, ‘Андижоннома’нинг пишиқ ва мустаҳкам биносини бузиш ўрнига шаҳар марказидаги ўша жойга Президент мактабини қуриш ҳар томонлама фойдали эмасми? Бюджетгаям, Президент мактабининг бахтиёр ўқувчиларигаям...», — дейилади хабарда.

Шунингдек, таҳририят биноси ва шаҳар ҳокимлиги Навоий шоҳкўчасида жойлашгани, бу ердаги қатнов ва тирбандликлар мактаб ўқувчилари учун қўшимча муаммо туғдириши, айниқса, уларнинг хавфсизлигини катта сўроқ остида қолдириши ҳозирдан маълумлиги таъкидланган.

«Xabar.uz» манбасига кўра, вилоят ҳокимлиги таҳририят учун вақтинча жой топиш ишларини бошлаб юборган. Бу расмий муносабатдаги ваъдаларга бўлган шубҳани ошираётгани, шунингдек, янги бино қурилишлари «андижонча тендер»га айланиб кетмаслигига ҳам кафолат йўқлиги таъкидлаб ўтилган.

Изоҳ
Асосий янгиликлар
Китоб
“Шайтон китоб тимсолида ҳаётимга кириб келган ва барча нарсани ўзиники қилиб олган эди…” “Қора китоб” асари ҳақида
Дунё
Юзга тушган чандиқ, қулдорларга қарши кураш ва театрда отиб кетилган президент — Линкольн. Халқ орасида энг машҳур АҚШ президенти тақдири
Кино
“Ёнарқўнғизлар қабри”, “Юрак шивири”, “Мушукнинг қайтиши”  — Япон режиссёрларининг энг яхши анимелари