Ўзбекистон Уй-жой коммунал хизмат кўрсатиш вазирлиги мамлакат бўйлаб кўп қаватли уйларда лифтларни таъмирлаш ва янгилаш ишларини бош пудратчи сифатида Texnopark корхонасига топширишни таклиф қилди. Лекин ҳукумат қарорига кўра, ижрочилар тендер ва танловлар асосида танланиши лозим эканлиги таъкидланган. Монополияга қарши курашиш қўмитаси ҳолат юзасидан ўз хулосасини берди.
Ҳукумат қарори билан Уй-жой коммунал хизмат кўрсатиш вазирлиги ва Ахборот технологиялари вазирлиги 2020 йил 1 декабрга қадар лифтларнинг техник ҳолатини назорат қилиш ва фавқулодда вазиятларни тезкор рўйхатдан ўтказиш учун рақамли платформа лойиҳасини ишлаб чиқиши ва уни амалга ошириши керак эди. Ушбу муддатни Texnopark компаниясини ижрочилар рўйхатига қўшиш билан бир қаторда 2021 йил 1 апрелигача узайтириш таклиф этилмоқда.
Қўмита хулосасида Texnopark’ка юқоридаги вазифаларни топшириш «Рақобат тўғрисидаги» қонунга ва президентнинг 2017 йил 8-сентябрдаги фармонига зид эканлиги айтилган. Хусусан, бу билан алоҳида хўжалик юритувчи субъектларга асоссиз равишда эксклюзив ҳуқуқлар, индивидуал имтиёзлар ва преференциялар бериш билан боғлиқ бўлган пунктлар бузилмоқда.
Ҳукумат қарорига биноан 2021−2027 йилларда мамлакатда 3562 та лифтни таъмирлаш ва алмаштириш (84 та — таъмирлаш, 3478 та — алмаштириш) ва бунга 665 миллиард сўм сарфлаш режалаштирилган.
Мавзуга доир:
- Ўзбекистондаги Coca-Cola заводи арзон нархлангани шубҳа келтириб чиқарди. Аксилмонополия қўмитаси бунга муносабат билдирди
- «Айрим автомобиль ишлаб чиқарувчиларга берилган имтиёзлар ва эксклюзив ҳуқуқларни қисқартиришимиз керак» — МҚКҚ раҳбари
- Депутат Алишер Қодиров Монополияга қарши курашиш қўмитасини UzAuto Motors’нинг обрўсига путур етказишда айблади
Изоҳ (0)