2021 йилнинг учинчи чорагида «Жалолиддин Мангуберди тарихининг янги саҳифаларини ўрганиш» мавзусида халқаро илмий-амалий конференция ташкил этилади. Бу ҳақда 19 январь куни Президент Шавкат Мирзиёев раҳбарлигида ўтказилган маънавий-маърифий ишлар таъсирчанлигини янада оширишга бағишланган йиғилишда таъкидланди, дея хабар бермоқда «Дарё» мухбири.
«Тошкент шаҳридаги «Ғалаба боғи» мажмуасини халқимиз, айниқса, ёшлар учун ҳарбий тарих ва аждодларимиз қаҳрамонлигини ўрганиш бўйича илмий марказга айлантиришимиз зарур. Ёшларимизни ҳақиқий ватанпарварлик, азм-у шижоат, мардлик ва жасорат руҳида тарбиялашда муҳтарам зиёлиларимиз, фаол ва фидойи олим ҳамда ижодкорларимиз ёрдамига таянамиз.
Қайд этиш жоизки, жорий йилнинг учинчи чорагида «Жалолиддин Мангуберди тарихининг янги саҳифаларини ўрганиш» мавзусида халқаро илмий-амалий конференция ўтказиш керак. Марказ шу йилдан бошлаб таниқли олим ва ижодкорларни жалб қилган ҳолда «Буюк саркардаларимизнинг жасорати ва ҳарбий мероси» туркумида тарихий-бадиий рисолалар тайёрлаш ва чоп этишни йўлга қўяди.
Ўтган йили қатағон қурбонларининг меросини янада чуқур ўрганиш ва хотирасини абадийлаштириш бўйича муҳим қарор қабул қилиб, чора-тадбирларни белгилаган эдик. Марказ бу йўналишда «Жадидлар ва бошқа маърифатпарвар зиёлилар ғояларидан ёш авлод тарбиясида фойдаланиш» мавзусида инновацион тадқиқотларни амалга ошириши лозим», — деди Президент.
Мавзуга доир:
- Шавкат Мирзиёев раислигида Хавфсизлик кенгашининг кенгайтирилган йиғилиши бўлиб ўтди
- Тошкентдаги «Ғалаба боғи» ҳайкалтарошларига қарийб 5,5 млрд сўм гонорар тўлангани маълум қилинди
- Шавкат Мирзиёев «Ғалаба боғи»даги «Шон-шараф» музейини бориб кўрди (фото)
- Тошкентдаги «Ғалаба боғи»да жойлашган «Шон-шараф» музейига фотосаёҳат
Изоҳ (0)