Бугун,

  • USD 11095.31
  • RUB 173.84
  • EUR 10772.44

«Элчинининг қизи» номли турк сериалида бош қаҳрамон ролини ижро қилаётган актриса Неслиҳан Атагул, соғлиги ёмонлашгани сабаб суратга олиш майдончасини тарк этишини маълум қилди. Бу ҳақда «Кинотека» хабар берди.

Фото: Instagram / Sefirinkizidizi

Фото: Instagram / Sefirinkizidizi

Маълум қилинишича, унинг саломатлигидаги муаммо ичаклар фаолиятининг ўтказувчанлиги бузилгани, микроб ва бактерияларнинг тўғридан-тўғри қонга ўтиши билан боғлиқ.

Фото: «Кинотека»

Фото: «Кинотека»

Узоқ вақтдан буён ўзини ёмон ҳис қилаётган, оғриқ қолдирувчи дори воситалари билан фаолияти давом этаётган актриса, аҳволи ёмонлашгани сабаб зудлик билан суратга олиш ишлари бўлиб ўтаётган Мугладан Истанбулга қайтиб келган. Кўрикдан ўтган Неслиҳанга шифокор шифохонага ётиши кераклигини айтган ва шундан кейин у продюсерлар билан келишиб 10 кунлик таътил олган.

Фото: Instagram / Sefirinkizidizi

Фото: Instagram / Sefirinkizidizi

Фото: Instagram / Sefirinkizidizi

Фото: Instagram / Sefirinkizidizi

Бош қаҳрамоннинг йўқлиги сабаб сериалнинг сенарийсига ўзгартириш киритилган. Аммо кейинроқ шифокорлар 26 кун шифохонада даволаниши кераклигини маълум қилган. Шундан сўнг Атагул, яқин бир неча ой давомида ишлай олишига кўзи етмай, сериални тарк этишга қарор қилган ва бу ҳақда Instagram саҳифасида эълон қилган.

Фото: Turk Cinema

Фото: Turk Cinema

Актриса ижро давомида бутун вужуди билан ролга киришган қаҳрамони Наре билан хайрлашаётганини, бироз вақт дам олиши кераклигини айтиб, «Элчининг қизи» жамоасига ва мухлисларига миннатдорчилик билдирган. «Яхшики, сизлар борсиз, тез орада бошқа ҳикояларда кўришгунча», — деб қўшимча қилган.

Фото: Instagram / Sefirinkizidizi

Фото: Instagram / Sefirinkizidizi

Продюсерлик компанияси ҳам Неслиҳаннинг кетаётгани ҳақидаги маълумотни тасдиқлаб, унинг тезроқ тузалиб кетишига тилакдош эканини, шунингдек, янги қисмларда Неслиҳаннинг иштирок этмаслигини маълум қилган.

Фото: Instagram / Сефиринкизидизи

Фото: Instagram / Сефиринкизидизи

Сериал мухлисларини сюжетнинг қандай бўлиши қизиқтирмоқда. Қандай ўзгаришлар юз беради? Наре ўладими, Неслиҳан ўрнига бошқа бир актриса келадими ёки Санжар бошқа бир инсонни севиб қоладими? Ушбу саволлар жавобини сериалнинг кейинги қисмларини томоша қилиш орқали билиш мумкин.

Аввалроқ сериалда Саҳра ва Менекше образларини яратган актрисалар ҳам лойиҳани тарк этган эди.

Изоҳ
Асосий янгиликлар
Маҳаллий
Ўзбекистон конларида захира камайиб бораётгани ортидан табиий газ қазиб чиқариш режаси бажарилмаяпти
Дунё
Тожикистон ва Қирғизистон фуқаролари ўртасида чегарада жанжал содир бўлди
Маҳаллий
Нукусда -16,2 даража совуқ қайд этилди