Ижобий қаҳрамонлари билан танилган Болливуд юлдузларининг салбий образлари (фото)

Шоҳрух Хон, Амир Хон, Кажол ёки Приянка Чопра ижросидаги салбий ролларни томошабинлар яхши кўради. Агар илгари Болливуд юлдузлари салбий ролларни ижро этишга рози бўлмаган бўлса, бугунги кунда буни завқ билан амалга оширади. Қуйида охирги вақтларда салбий роллар билан актёрлар маҳоратини очиб берган ва айнан шу каби роллари билан устунлик қилаётган актёрлар билан танишиб чиқиш мумкин.

Санжай Датт

Санжай Датт «Оловли йўл» фильмидаги сингари «Калорнинг олтин конлари: 2-боб» картинасида ҳам салбий характердаги образда намоён бўлади. Фильм намойиш этилганидан кейин актёрнинг мухлислари ундан мамнунлигини билдирган. Аввалроқ ҳам Санжай «Панипат жанги» ва «Ёвуз» фильмида ҳам бу каби ролларни жуда яхши ижро этган.

Саиф Али Хон

2006 йилда «Омкаре»даги Лангда Тяги образи билан жамоатчилик ва танқидчиларнинг меҳрини қозонган. Тез орада Ом Раутнинг «Адипуруш» номли фильмида Прабхас салбий қаҳрамонини ижро этади. Сайф лойиҳани ажойиб деб таърифлаб, фильм давомида қудратли Прабхаслар билан қиличли тўқнашувни кутаётганини маълум қилган.

Вики Каушал

«Ёлғиз уч», «Санжу», «Ури: базага ҳужум» фильмларидаги чиқиши билан томошабинларни кўнглидан жой олган. Кейинчалик Каран Жохарнинг «Тахт» лойиҳасида Аврангзеб ролини ўйнади. Тарихий дармада Мўғил императори Аврангзеб ва унинг укаси Дара Шико ва уларнинг тахт учун курашлари ҳақида ҳикоя қилади.

Жон Абраҳам

Тасдиқланмаган хабарларга кўра, Жон яқинда «Салаар» фильмида салбий ролни ижро этмоқда. Гарчи актёрнинг ўзи бу ҳақда хабар бермаган бўлса-да, мухлислар уни аввалги салбий ролларини жуда яхши эслайди ва актёр буни уддалашига ишонади.

Кунал Кхему

У ўз карьерасини болалигидан бошлаган ва кейинчалик бир қанча салбий роллари билан машҳурликка эришган. Кунал 2019 йилда «Дарбадар»да жуда ёмон характерда намоён бўлган. Режиссёр Мохит Сури уни яхши инсон кўринишидаги зўравон психопат-полиция ходими сифатида кўрсатган.

Акшай Кумар

2001 йилда актёр «Бегона маккор» триллеридаги Викрам салбий ролни ижро этган. 2018 йилда у «Робот-2» фильмида яна салбий характердаги образни ижро этди. Сўнгги пайтларда Акшай асосан ватанпарварлик мавзусидаги фильмларда ёки ижтимоий мавзудаги картиналарда суратга тушмоқда.

Ранвир Сингх

Ранвир романтик, жасур полициячи ва тарихий жангчи ролларини ижро этган. Шунингдек, томошабинлар унинг Санжай Лила Бхансалининг 2018 йилги «Падмавати» фильмидаги Алауддин Хилжи образини яхши кўради. Кўплаб танқидларга қарамай, Ранвир образини қойилмақом тарзда ижро этгани учун ҳам жуда кўп мақтовларга сазовор бўлган.