Қамчиқ довонида Mercedes-Benz русумли юк автомобилида ёнғин содир бўлди, дея хабар бермоқда ЙҲХББ.
Маълумотларга кўра, 2021 йилнинг 16 январь куни соат 15:50 ларда Наманган вилояти Поп тумани ҳудудидан ўтган А-373 Тошкент—Ўш автомобиль йўлининг 252-километрида, ҳайдовчи, 1985 йилда туғилган С.С. бошқарувидаги Mercedes-Benz русумли юк автомобилининг двигатель қисмида қисқа туташув оқибатида ёнғин юзага келган.
Ёнғин натижасида тан жароҳати олганлар йўқ. Ёнғин ўт ўчирувчилар томонидан бартараф этилган.
Мазкур ҳодиса юзасидан Поп тумани ИИБ ЙҲХБ ва ФВБ томонидан суриштирув ишлари олиб борилиб, ёнғин содир бўлиш сабабларига аниқлик киритилмоқда.
Аввалроқ Намангандаги газ-заправкада навбатда турган Damas, Самарқандда пиёз олиб кетаётган «Буханка» ҳамда Чилонзорда Nexia сигнализация мосламасидаги қисқа туташув сабаб ёниб кетгани ҳақида хабар берилганди.
Изоҳ (0)