Qamchiq dovonida Mercedes-Benz rusumli yuk avtomobilida yong‘in sodir bo‘ldi, deya xabar bermoqda YHXBB.
Ma’lumotlarga ko‘ra, 2021-yilning 16-yanvar kuni soat 15:50 larda Namangan viloyati Pop tumani hududidan o‘tgan A-373 Toshkent—O‘sh avtomobil yo‘lining 252-kilometrida, haydovchi, 1985-yilda tug‘ilgan S.S. boshqaruvidagi Mercedes-Benz rusumli yuk avtomobilining dvigatel qismida qisqa tutashuv oqibatida yong‘in yuzaga kelgan.
Yong‘in natijasida tan jarohati olganlar yo‘q. Yong‘in o‘t o‘chiruvchilar tomonidan bartaraf etilgan.
Mazkur hodisa yuzasidan Pop tumani IIB YHXB va FVB tomonidan surishtiruv ishlari olib borilib, yong‘in sodir bo‘lish sabablariga aniqlik kiritilmoqda.
Avvalroq Namangandagi gaz-zapravkada navbatda turgan Damas, Samarqandda piyoz olib ketayotgan “Buxanka” hamda Chilonzorda Nexia signalizatsiya moslamasidagi qisqa tutashuv sabab yonib ketgani haqida xabar berilgandi.
Izoh (0)