Албатта, барча ҳам никоҳ тўйини бир умр ёдда қолишини истайди. Бу борада юлдузли жуфтликлар ҳам ҳеч кимдан қолишмайди. Уларнинг никоҳ оқшоми бутун дунё бўйлаб овоза бўлади. Гуллар, қимматбаҳо тўй либоси − қисқаси сарфланган пулларнинг чегараси йўқ. Афсуски, орадан кўп ўтмай жуфтликларнинг ажрашиб кетиши уларнинг тўйидан ҳам кўра кўпроқ шов-шувга айланади.
Ким Кардашьян ва Крис Хамфрис
Ким ва Крис 2011 йил 20 августда турмуш қурган. Уларнинг никоҳ тўйи оила аъзолари ва дўстлари билан биргаликда дабдабали тарзда ўтказилган. Келин никоҳ оқшоми кунида Вера Вангга тегишли оппоқ либосда пайдо бўлган. Тақинчоқлардан 28 каратли олмос зиракларни танлаб, 5 миллион доллар пул сарфлаган. Миш-мишларга кўра, маросимни ташкиллаштириш юлдузларга 10 миллион долларга тушган. Улар тўй куни барчаси кўнгилдагидек ўтиши учун ҳаракат қилган.
Аммо шунча дабдаба ҳам уларнинг оиласига бахт беролмади. Тўйдан 72 кун ўтгач, ёш оила ажрашишини эълон қилган. Орадан 2 йил ўтиб, улар расман ажрашган.
Женнифер Лопес ва Крис Жадд
Жен ва Крис «Love Don’t Cost a Thing» қўшиғига клип суратга олинаётганда танишган. Орадан кўп вақт ўтмай жуфтлик катта зиёфат уюштириб, турмуш қурган. Тўйга сарфланган харажат янги оилага бир неча миллион долларга тушган.
Уларнинг ҳам никоҳи узоқ давом этмади, афсуски. Жадд ўша вақтда ҳар бир қадами журналистлар томонидан муҳокама этилиши хушламаган, Женининг эса қисқа вақт ичида турмуш ўртоғига бўлган фикри ўзгарган.
Алина Гроссу ва Александр Комков
2019 йилда Алина Гроссу ва Александр Комковнинг ўтказилган никоҳ тўйи узоқ муҳокамаларга сабаб бўлди. Юлдузлар Италияда қадимий жой бўлмиш «Вилла Арведи»ни ижарага олиб, зиёфат уюштирган. Икки кунлик зиёфатни ташкиллаштириш уларга 100 минг евродан кўпроққа тушган.
Ачинарлиси шундаки, тўйдан бир йил ҳам ўтмай юлдузлар ажрашиш учун ариза топширган. Алинанинг сўзларига кўра, ажрашиш таклифи Александрдан чиққан ва бунинг учун Алина уни кечира олмаган.
Мадонна ва Гай Ричи
Мадонна ва Гай 2000 йил турмуш қурган. Жуфтлик ушбу бахтли кунини кенг миқёсда нишонлашга қарор қилган. Тунда отилган салютларнинг ўзи учун 300 минг доллардан кўпроқ пул сарфланган. Шунингдек, тўрт баравар қимматга тушган зиёфат ва келиннинг Монако маликаси Грейс Келлига тегишли тожи ҳам бунга қўшимча бўлган.
Албатта, улар умрининг охиригача бирга бўлишга қарор қилган эди. Аммо орадан 8 йил ўтиб, юлдузлар ажрим учун ариза топширган.
Оксана Воеводина ва Малайзия қироли Туанку Муҳаммад V Келантан Султан
Оксана 2018 йил Малайзия қиролига турмушга чиққанида, кўпчилик унга ҳавас қилган эди. Бадавлат, меҳрибон, келишган – буни дунёдаги кўплаб қизлар орзу қилади.
Фақат ушбу ҳикоя узоқ давом этмаган. Никоҳдан бир неча ой ўтгач, қирол гарчи рафиқаси ҳомиладор бўлсада, у билан алоқаларни узган. Жуфтликнинг ажрашиш сабаблари ҳанузгача аниқ эмас.
Изоҳ (0)