Актёр Брюс Уиллис ниқоб тақишни рад этгани учун Лос Анжелесдаги дорихона ходимлари ундан чиқиб кетишини сўраган. Бу ҳақда «Korrespondent.net» хабар бермоқда.
Воқеага гувоҳ бўлган шахснинг сўзларига кўра, дорихонага ташриф буюрганлар 65 яшар актёрнинг бу ишидан ранжиган. Маълумотларга кўра, актёрнинг бўйнида шарфи ҳам бўлиб, у билан юзини бемалол ёпиши мумкин бўлган.
Уиллис эса дорихонадан ҳеч нарса харид қилолмай чиқиб кетган. Кейинроқ Уиллиснинг ўзи ушбу воқеани People нашрида изоҳлаб, «катта хато» деб атаган. Бундан ташқари, «Ўзингизни асранг ва ниқоб тақишда давом этинг», − дея таъкидлаган.
Изоҳ (0)