O‘tgan hafta Los-Anjelesdagi tumanlarning birida aktyor Bred Pittni muhtojlarga ovqat tarqatayotgan vaqtida payqab qolishdi, deb xabar beradi Daily Mail.
Pitt bir necha soat davomida niqob taqqan holda kundalik kiyimida yuk mashinasidagi oziq-ovqatlar ortilgan qutilarni tashib, odamlarga tarqatgan. Guvohlarning ta’kidlashicha, u o‘zini juda tabiiy tutgan va “ishga mutlaq sho‘ng‘ib ketgan”. Odamlarning ko‘pchiligi Gollivud yulduzidan yordam olayotganini bilmagan ham.
“Gap uning mashhurligida emas edi, u bundan shaxsan mamnun ekanligi ko‘rinib turardi. Menimcha, u rostan ham o‘zi yaxshi ko‘rgan ishni qilayotgan edi”, — deydi guvohlardan biri.
Pittni tanaffus vaqtida, sigaret chekish uchun niqobini yechganida tanib qolishgan. U xuddi odamlar kabi qahva ichib, atrofdagilar bilan bemalol suhbatlashib o‘tirgan.
Avvalroq Tom Kruz Britaniyadagi kafelardan biriga tushlik qilish uchun shaxsiy vertolyotida kelgani to‘g‘risida xabar berilgandi.
Izoh (0)