Футбол бўйича Германия Кубогининг 2-босқичида «Бавария» 13 январь, чоршанба куни «Ҳолштайн Кил» меҳмони бўлди.
Аввалига мюнхенликлар 14-дақиқада Серж Гнабрининг голи эвазига олдинга ўтиб олди. Бунга майдон эгалари 37-дақиқада жавоб қайтарди. Иккинчи бўлим дебютида Лерой Сане жарима зарбасини қойилмақом ижро этиб, меҳмонларнинг иккинчи голини урди.
Ҳаммаси «Бавария»нинг ғалабаси томон кетаётган бир вақтда мезбонлар сўнгги дақиқада мувозанатни тиклади. Қўшимча бўлимларда дарвозалар дахлсиз қолди.
Пенальтилар сериясида иккинчи Бундеслига жамоасининг қўли баланд келди. Шу тариқа мусобақанинг амалдаги чемпиони «Бавария» жорий мавсумдаги дастлабки ўйинидаёқ кубок билан хайрлашди.
Германия Кубоги
2-босқич баҳси
13 январь, чоршанба
«Ҳолштайн Кил – Бавария 2:2
Голлар: 0:1 – 14 Гнабри, 1:1 – 37 Бартелс, 1:2 – 47 Сане, 2:2 – 90+5 Вал.Пенальтилар серияси 6:5
«Ҳолштайн Кил»: Gelioс, Вал, ван ден Берг, Дем, Тескер (Коменда, 80), Билер (Арслан, 84), Бартелс, Ли Че Сон, Меес (Резе, 77), Порат (Хауптманн, 77), Мефферт (Зерра, 84).
«Бавария»: Нойер, Дэвис, Люка Эрнандес, Сарр (Павар, 85), Зюле, Сане (Дуглас Коста, 74), Толиссо (Алаба, 105), Гнабри (Рока, 90), Киммих, Мюллер, Мусиала (Левандовски, 74).
Огоҳлантиришлар: Мефферт (45), Зюле (61).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)